Besjoch de boarne foar Amerikaanske Legerloftstriidkrêften

{{Militêre ienheid|
namme= Amerikaanske Legerloftstriidkrêften <br><small>''United States Army Air Forces''</small>|
ôfbyld1= [[File:Flag_of_the_United_States_(1912-1959).svg|border|125px]] <br><small>flagge</small>|
ôfbyld2= [[File:Roundel of the United States (1943–1947).svg|125px]] <br><small>rûndiel</small>|
ôfbyld3= |
biedwurd= |
lân= [[File:Flag_of_the_United_States_(1912-1959).svg|border|20px]] [[Feriene Steaten]] |
ûnderdiel= [[File:Flag of the United States Army (unofficial proportions).svg|border|20px]] [[Amerikaanske Leger]]|
soarte= [[loftmacht]] |
haadkertier= [[Washington, D.C.]] <small>(1941-1942)</small><br> it [[Pentagon]] ([[Arlington County (Firginia)|Arlington<br>&nbsp;&nbsp;&nbsp; County]], [[Firginia]]) <small>(1942-1947)</small> |
sterkte= 2,4 miljoen man <small>(1944)</small><br> 80.000 fleantugen <small>(1944)</small> |
aktyf= [[1941]] – [[1947]] |
bynamme= |
marsliet= |
konflikten= [[Twadde Wrâldoarloch]] <small>(1941-1945)</small> |
}}
De '''Amerikaanske Legerloftstriidkrêften''' ([[Ingelsk]]: ''United States Army Air Forces''; [[ôfkoarte]] ta '''USAAF''') foarmen ûnder de [[Twadde Wrâldoarloch]] en de jierren fuort dêrnei de ''[[de facto]]'' [[loftmacht]] fan 'e [[Feriene Steaten]]. Feitliks makke dizze komponint fan 'e [[kriichsmacht]] doe lykwols noch diel út fan 'e [[lânmacht]], it [[Amerikaanske Leger]]. De Amerikaanske Legerloftstriidkrêften waarden yn [[juny]] [[1941]] oprjochte as opfolger fan it eardere [[Amerikaanske Legerloftfeartkorps]] (''United States Army Air Corps''). Benammen yn 'e striid tsjin [[nazy-Dútslân]] spilen se neitiid in krúsjale rol. Yn [[1947]] waarden de Legerloftstriidkrêften omfoarme ta in selsstannich diel fan 'e [[Amerikaanske Striidkrêften]]: de [[Amerikaanske Loftmacht]] (''United States Air Force'').
__TOC__
==Skiednis==
De Amerikaanske Legerloftstriidkrêften waarden op [[20&nbsp;juny]] [[1941]] oprjochte út it foargeande [[Amerikaanske Legerloftfeartkorps]] (''United States Army Air Corps''). De nije organisaasje bleau lykwols in ûnderdiel fan it [[Amerikaanske Leger]]. De bedoeling fan oprjochting wie om 'e 'loftmacht' mear autonomy te jaan en obstakels foar in fluggere groei wei te nimmen. Behalven de [[fleantugen]] en [[piloat]]en fan it Amerikaanske Leger omfetten de Legerloftstriidkrêften ek de [[fleanfjild]]en en oare militêre ynstallaasjes en it [[grûnpersoniel]], wat by it Legerloftfeartkorps net sa west hie. 
[[File:Oer the ramparts we watch.jpg|left|thumb|180px|In rekrutearringsposter fan 'e Amerikaanske Legerloftstriid-krêften.]]

It Amerikaanske Leger waard op [[2&nbsp;maart]] [[1942]] by [[presidint|presidinsjeel]] [[dekreet]] opspjalten yn trije ûnderdielen: de Legerloftstriidkrêften, de [[Amerikaanske Legergrûnstriidkrêften|Legergrûnstriidkrêften]] en de [[Amerikaanske Tsjinsten fan Befoarrieding|Tsjinsten fan Befoarrieding]], dy't yn [[1943]] omneamd waarden ta de [[Amerikaanske Legertsjinststriidkrêften|Legertsjinststriidkrêften]]. Elts fan dy trije dielen stie ûnder befel fan in [[generaal]] dy't streekrjocht rapportearre oan 'e [[stêfsjef]] fan it Amerikaanske Leger. Yn it gefal fan 'e Legerloftstriidkrêften gie it dêrby om generaal [[Hap Arnold]] ([[1941]]-[[1946]]) en letter om generaal [[Carl Spaatz]] ([[1946]]-[[1947]]).

Fan [[7&nbsp;desimber]] [[1941]] ôf, doe't de Feriene Steaten troch de [[Japan]]ske [[Oanfal op Pearl Harbor]] by de [[Twadde Wrâldoarloch]] belutsen rekken, ferfollen de Amerikaanske Legerloftstriidkrêften in rol fan krúsjaal belang yn 'e striid tsjin benammen [[nazy-Dútslân]]. Se wiene nammentlik it mei de [[Grut-Brittanje|Britske]] [[Royal Air Force]] belutsen by it [[Kombinearre Bombardemintsoffinsyf]], wêrby't de Britten Dútslân [[nacht]]s platgoaiden en de Amerikenen oerdeis. Yn 'e striid tsjin [[ymperialisme|ymperialistysk]] [[Japan]] makken de Feriene Steaten mear gebrûk fan 'e loftfearttsjinst fan 'e [[Amerikaanske Marine]], mar bgl. de [[Doolittle Raid]], it earste [[bombardemint]] fan Japan, waard útfierd troch de Legerloftstriidkrêften. 
[[File:AT-6C Texans in flight 1943.jpg|right|thumb|200px|In pear [[North American T-6 Texan]]s fan 'e Amerikaanske Legerloftstriidkrêften yn [[1943]].]]

Op it hichtepunt, yn [[maart]] [[1944]], tsjinnen der by de Amerikaanske Legerloftstriidkrêften 2,4&nbsp;miljoen man (wêrfan 1.250.000 oersee). Dêrûnder wiene ek froulike piloaten, dy't ynset waarden om fleantugen fan 'e [[fabriken]] nei de [[fleanbasis|fleanbases]] te fleanen dêr't se hinne moasten. Yn [[july]] fan dat jier omfetten de Legerloftstriidkrêften yn totaal 80.000 fleantugen, en yn [[desimber]] [[1943]] wiene der allinnich al yn 'e Feriene Steaten 783 fleanbases, en wrâldwiid mear as 1.600.

Troch de withoeflugge útwreiding fan 'e Amerikaanske Legerloftstriidkrêften ûnder de Twadde Wrâldoarloch wiene se tsjin [[1945]] yn hast alles behalven namme in selsstannich ûnderdiel fan 'e Amerikaanske Striidkrêften wurden. Hoewol't guon oare lannen al foar it útbrekken fan 'e oarloch oergien wiene ta it ferselsstannigjen fan it loftfeartkorps, lykas mei de Britske [[Royal Air Force]] en de Dútske [[Luftwaffe]] bard wie, bleaune de Legerloftstriidkrêften lykwols noch ferskate jierren formeel ûnderdiel fan it Amerikaanske Leger. Dat feroare doe't yn [[septimber]] [[1947]] yn it ramt fan in nei-oarlochske reorganisaasje fan 'e kriichsmacht troch it [[Amerikaanske Kongres]] de [[Nasjonale Feilichheidswet fan 1947]] oannommen waard. Dêryn waard û.m. de wetlike basis lein foar de oprjochting fan in ûnôfhinklike [[Amerikaanske Loftmacht]] (''United States Air Force'') op [[18&nbsp;septimber]] fan dat jier.

==Sjoch ek==
*[[Amerikaansk Leger]]
*[[Amerikaanske Loftmacht]]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/United_States_Army_Air_Forces ''References'', op dizze side].
----
{{commonscat|United States Army Air Forces}}
}}

[[Kategory:Amerikaanske Leger]]
[[Kategory:Amerikaanske Loftmacht]]
[[Kategory:Feriene Steaten yn de Twadde Wrâldkriich]]
[[Kategory:Organisaasje oprjochte yn 1941]]
[[Kategory:Organisaasje opheft yn 1947]]