Hessel Vegelin fan Claerbergen (1655-1715)

Hessel Vegelin fan Claerbergen (19 oktober 1655 - Leien, 28 novimber 1715), soan fan Philip Ernst Vegelin fan Claerbergen en Fokje fan Sminia, grytman fan Utingeradiel.

Op 27 jannewaris 1683 grytman fan Utingeradiel. Ferwiksele dizze gritenij mei dy fan Haskerlân op 15 maart 1689 en die hjirfan ôfstân yn 1707 foar syn âldste soan. Yn 1683 wie hy ek lid fan Deputearre Steaten fan Fryslân. Ferstoar nei in operaasje. Troude op 7 novimber 1683 mei Anna Maria (* 1653), dochter fan Assuerus fan Viersen, rintmaster fan de domeinen, en Jisck fan Geersma, dy't him seis bern skonk en op 12 july 1696 ferstoar. Hessel Vegelin van Claerbergen hie sterke bannen mei it steedhâlderlik hûs en gie fertroulik om mei Maria Louise.

Eysingahûs

Oan de ein fan de santjinde iuw kocht hy it Eysingahûs oan de Turfmerk yn Ljouwert. Van Claerbergen brûkte it Eysingahûs foar gasten. Neidat er yn 1707 bestjoerder-ôf wurden wie wreide hy it pied-à-terre fan it Eysingahûs út mei oangrinzjende huzen oan de Keningsstrjitte en de Foarstreek. Syn soan Johan (1690-1773), dy't under mear deputearre en ôffeardige nei de Steaten-Generaal wie,brûkte it Eysingahûs ek as syn ûnderkommen yn de Fryske haadstêd.

Sjoch ek

• Oer it laach Vegelin fan Claerbergen‎
• List fan grytmannen fan Haskerlân

Boarnen, noaten en referinsjes

Boarnen, noaten en/as referinsjes:

Sterringa, A. (2004) Philip Ernst Vegelin van Claerbergen (1613-1693), secretaris, raad en hofmeester aan het Friese stadhouderlijke hof' yn: De zeventiende eeuw XX side 27-37 Tresoar (Frysk Histoarysk en Letterkundich Sintrum) yn Ljouwert 323 Familie Van Eysinga-Vegelin van Claerbergen Sluis, J. van (2004) 'De Mémoires van Hessel Vegilin van Claersbergen' yn: Virtus. Jaarboek voor adelsgeschiedenis 11, side 78-79 Van der Aa oer Hessel Vegelin fan Claerbergen v. Sminia, side 333; Wapenboek Vegilin v. Claerbergen, Gen. 8. Viersen. Gen. 3.