Utstrûpers

Ut Wikipedy
(Trochferwiisd fan Útstrûper)
útstrûper
Nimf

Utstrûpers (skift Ephemeroptera) binne fine ynsekten mei in tear lichem, twa pear wjukken, grutte eagen, koarte boarsteleftige antennes en lange sturttriedden.

Utstrûpers libje ifierwei it grutste part fan harren bestean as nimfen yn it wetter; de folwoeksen bisten hawwe degenerearre mûledielen, kinne net ite, en libje mar inkele oeren, dy't brûkt wurde om ta pearing te kommen. Om de kâns op befruchting te fergrutsjen komme de bistkes faak massaal út en binne grutte swermen fan talleaze eksimplaren te sjen. It binne de mantsjes dy't dy swermen foarmje, de wyfkes sykje in swerm op, pearje mei in mantsje en sette koart dêrnei al de aaikes ôf op it wetter.

De nimfen binne gefoelich foar fersmoarging fan it wetter en de oanwêzichheid derfan wiist op in goede wetterkwaliteit. De ûntwikkeling fan de nimfen is unyk foar ynsekten, de nimf hat in soarte sub-adult stadium foardat it definitive ferpopkjen bart.