Karlsruhe

	Karlsruhe
	Emblemen
	Polityk
Lân	Dútslân
dielsteat	Baden-Wuertemberch
Stedsyndieling	27 Stadtteile
	Sifers
Ynwennertal	308.707 (2022)
Oerflak	173,42 km²
Befolkingsticht.	1.780 ynw./km²
Hichte	115 m
	Oar
Stifting	17 juny 1715
Postkoade	76131-76229
Koördinaten	8° 24' N 8° 24' E
	Offisjele webside
	www.karlsruhe.de
	Kaart
	;

Karlsruhe is nei Stuttgart en Mannheim de tredgrutste stêd fan de dielsteat Baden-Wuertemberch. De stêd leit oan de Ryn, sa'n 10 kilometer fan de grins mei Frankryk. It stedsgebiet beslacht 173 km² en der wenje 308.707 minsken (2022). Yn Karlsruhe stiet it Bundesverfassungsgericht (grûnwetlik gerjochtshôf).

De stêd waard, mei it begjin fan de bou fan it Kastiel Karlsruhe, stifte op 17 juny 1715. Sûnt 1806 wennen de hartoggen fan Baden yn it kastiel. Yn 1919 waard Karlsruhe haadstêd fan de Frijsteat Baden. In jiermannich nei de Twadde Wrâldkriich waarden de dielsteaten Baden en Wuertemberch gearfoege ta ien dielsteat, dêr’t Stuttgart de haadstêd fan wurden is.

Karlsruhe wurdt ek wol de Fächerstadt neamd, omdat de stedsopbou neffens fakken ferrint. It sintrum fan de stêd is it Kastiel Karlsruhe. De kastieltunen en it kastiel stean yn in rûne sirkel. Ut dy sirkel wei ûntspringe de strjitten fan it sintrum fan Karlsruhe yn in rjochte line.