Swarte Spjocht

Ut Wikipedy
Gean nei: navigaasje, sykje
Swarte Spjocht
BlackWoods.jpg
taksonomy
Klasse: Fûgels (Aves)
Skift: Spjochteftigen (Piciformes)
Famylje: Spjochtfûgels (Picidae)
soarte
Dryocopus martius

De Swarte Spjocht (Dryocopus martius) is in 50 sm grutte fûgel út de famylje fan de spjochtfûgels. De swarte spjocht is de grutste specht fan Jeropa en is wer te kennen oan syn swarte fearren mei de reade kap. It wyfke hat allinich in reade nekke; by it mantsje rint it reade plak oer de hiele kop. De snaffel en poatten binne griis.

Oare Fryske namme[bewurkje seksje | edit source]

De Swarte Spjocht wurdt yn it Frysk ek wol beneamd as Wâldspjocht.

Fersprieding[bewurkje seksje | edit source]

De Swarte Spjocht komt foar yn Noard- en Midden-Jeropa, benammen yn grutte bosken mei grutte, âlde beammen mei in protte fermôge hout. Trochdat de produksjebosken fan West-Jeropa foar dizze spjocht te min iten opsmite is it dêr in selsume fûgel wurden.

Iten[bewurkje seksje | edit source]

Hy libbet fan ynsektenlarven dy't yn it hout libbenje. By it itensykjen hakket er somtiden grutte stikken hout út de fermôge stammen om by de insektelarfen te kommen. Ek mei er graach eamels ite.

Fuortplanting[bewurkje seksje | edit source]

De Swarte Spjocht makket syn nêst sels, troch yn in beam in 40 sm djip gat út te hakjen. As beam foar it nêst wurdt meastentiids yn boek útsocht, mar ek nuddelbeammen wurde wol brûkt. It wyfke leit yn april sa'n 3-5 porslein-wite aaien. De aaien wurde troch beide âlders yn 12-14 dagen útbret. De jongen bliuwe sa'n 24-28 dagen yn it nêst foardat se útfleane. Ek hiernei wurde se noch in skoft troch de âlden fuorre.

Sjoch ek[bewurkje seksje | edit source]