Suva

Ut Wikipedy
Suva
Polityk
Lân Fidzjy
Sifers
Ynwennertal 88.271 (2009)
Oerflak 2.048 km²
Befolkingsticht. / km²
Stêdekloft 175.399
Hichte m
Oar
Tiidsône 1200 GMT (UTC+12)
Offisjele webside
(in) Offisjele webside
Lizzing fan Suva yn Fidzjy

Suva is de haadstêd fan de Melanezyske eilânsteat Fidzjy. De stêd leit yn it suden fan Viti Levu, it grutste eilân fan it lân.

Yn 1877 waard besletten Suva de haadstêd fan Fidzjy wurde moast. It die bliken dat it eilân Ovalau te behindich wie foar de ûntjouwing fan de wichtichste Europeeske delsetting yn Levuka dêre. It bestjoer fan de koloanje gie yn 1882 oer nei Suva.

Suva is it politike- en bestjoerssintrum fan Fidzjy. It is ek it grutste en meast ûntwikkele plak yn de Súdlike Grutte Oseaan (útsein Nij Seelân) en is in regionaal sintrum fan belang wurden; in grut part fan de befolking bestiet út studinten út de Pasifyk en mienskip fan bûtenlânske wurknimmers.

By de folkstelling fan 2007 hie de stêd Suva in ynwennertal fan 85.691. Mei foarstêden, hie it Grut Suva stedsdistrikt doe in befolking fan 172.399. Suva mei de oanswettende plakken Lami, Nasinu en Nausori hat in totale befolking fan sa'n 326.000 minsken, dat is goed de helte fan de befolking. It hiele stedsgebiet is bekend ûnder de namme Suva-Nausori korridôr (sûnder Lami).

Yn Suva is ek de Universiteit fan de Súdlike Grutte Oseaan festige, dy't fan de tolve Oseanyske eilânsteaten mei-inoar is. Suva is te berikken fia de tichtby lizzende ynternasjonale lofthaven.