Slach om Arnhim

Plattegrûn mei de plande lâningssônes

De Slach om Arnhim wie in histoaryske slach yn de Twadde Wrâldkriich, dy't fan 17 oant 25 septimber 1944 yn en om de stêd Arnhim hinne plakfûn.

Doe't yn de simmer fan 1944 Frankryk en Belgje befrijd wienen, stienen de alliearden op it punt om it noch besette Nederlân binnen te fallen. Dat waard behindere troch flinke obstakels lykas de Westwall en de Ryn. Under oanfiering fan fjildmaarskalk Bernard Montgomery waard Operaasje Market Garden opsetten, mei as doel om dizze Dútske stellingen troch te brekken oer Arnhim. Parasjutisten waarden yn de omkriten dropt om inkelde wichtige brêgen oer te nimmen en fêst te hâlden oant de grûntroepen dêr goed twa of trije dagen letter komme soenen.

Troch ûnferwachtse Dútske tsjinoanfallen slagge mar in lyts ploechje deryn de brêge by Arnhim te berikken; de measten waarden al bûten de stêd tsjinholden. Underwilens duorre de opkomst fan de grûntroepen nei it noarden ta ek langer, wêrtroch't nei fjouwer dagen de pear oerbleaune parasjutisten by de brêge gjin kant mear op koenen en op in plak sieten dêr't it likernôch ûnmooglik wie om fersterking te krijen. Nei njoggen dagen fjochtsjen moasten de alliearden harren weromlûke en dêrmei wie de operaasje mislearre.

• 
  Parasjutisten fan de 82e Luchtlâningsdivizje by Overasselt
• 
  Britske Horsa en Hamilcar sweeffleantugen op lâningsône 'Z' westlik fan Wolfheze, 17 septimber.

Oer de Slach om Arnhim waard yn 1977 troch regisseur Richard Attenborough de ferneamde film A Bridge Too Far makke, mei yn 'e haadrollen û.m. Sean Connery, Edward Fox en Maximilian Schell.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References en Bibliography, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Battle of Arnhem fan Wikimedia Commons.