Simon Frisius

Ut Wikipedy
Gean nei: navigaasje, sykje

Simon Frisius ek: Symon Wijnhouts Frisius, of Simon Wijnhouts de Vries ( Harns, 1580 - 1629 ) wie in etser en printekeunstner.

Simon Wynhouts Frisius krige syn oplieding nei alle gedachten yn Amsterdam. Hy fêstige him yn 1598 yn Parys en spesjalisearre him dêr yn it gravearjen fan kaligravearre letters yn koper. Gravearjen is it skrassen fan in tekst of foarstelling yn in objekt. Der besteane ferskate techniken, omdat elk materiaal syn easken stelt. Foar in kopergravuere wurdt in stielen stift, de buryn, brûkt. Mei de buryn wurde de linen stutsen. At yn dizze linnen inket smard wurdt, kin in print makke wurde. By glês wurde mei in diamantpunt linen op it glês lutsen, mei arsearjen kinne healtoanen en skaden oanbrocht wurde.

Nei 1611 wurke Frisius yn De Haach en waard troch syn wurk in begoedige man. Ek syn artistike produksje holp dêrby. Hy wie ek saakwaarnimmer fan inkele bûtenlânske foarsten.

Nei syn dea yn 1629 liet Frisius in oeuvre nei dat bestiet út sa'n 230 printen, meast etsen. Neist kaligrafyske yllustraasjes makke hy portretten. Ek lânskippen en histoaryske sênes waarden troch him ôfbylde. Yn it stedhûs fan Fianen hinget in brede strook papier mei de lykstaasje fan Walraven III fan Brederode, hear fan Fianen. Yn 12 grutte gravueres hat printkeunstner Simon Frisius de útfeart fêstlein. It wie yn dy tiid wenst om begraffenissen fan pommeranten fêst te lizzen. De nammen fan -ek foaroansteande- besikers steane der ek by.

Boarnen, noaten en referinsjes[bewurkje seksje | edit source]

Boarnen, noaten en/as referinsjes: