Ryksakademy foar Byldzjende Keunsten

Ut Wikipedy
Gean nei: navigaasje, sykje
Binnenplak Ryksakademy

De Ryksakademy foar Byldzjende Keunsten is in hegere keunstoplieding yn Amsterdam. Se biedt in ynternasjonaal keunstnersplatfoarm, en hat sûnt 1982 in postdoktorale status; earder wie dat in akademyske, te fergelykjen mei it universitêr nivo.

Skiednis[bewurkje seksje | edit source]

It ynstitút is oprjochte yn 1870 troch kening Willem III en wie de opfolger fan de Keninklike Akademy (19e ieu), de Stads Teekenacademie (18e ieu) en de Konstkamer (17e ieu). Yn it ferline wienen keunstners as Jan Toorop, Hendrik Petrus Berlage, George Hendrik Breitner, Willem Wiegmans, Piet Mondriaan, Constant Nieuwenhuis, Karel Appel, Corneille, Ger Lataster, Willem Hofhuizen, Jaap Min en oaren oan de Ryksakademy ferbûn.

Yn de foarige ieu waard Rijksacademie mei in 'c' skreaun en húsmanne it yn in fraai gebou op de Stadhouderskade. Nei 1985 hjitte it ynstitút yn de ûndertitel Instituut voor Praktijkstudie. Sûnt ein 1999 is de Ryksakademy ferselsstannige; de Stichting Ryksakademy wurdt finansierd troch de seksje Kultuer fan it Ministearje fan OCenW, en troch oare oerheden, bedriuwen en fûnsen.

De Ryksakademy is sûnt 1992 húsfeste yn de eardere Kavalerykazerne oan de Sarphatistrjitte. It gebou waard spesjaal opknapt en oanpast. Der binne grafyske wurkpleatsen, skilder- en byldhouateliers foar aspirant keunstners. Dizzen wurde troch keunstners fan namme begelaat. Fierders hat de akademy in keunstbibleteek en in grut keunstners-dokumintaasjesintrum dy't op ôfspraak tagonklik binne.

Elts jier wurde iepen dagen holden en kin it nijste wurk fan de studinten besjoen wurde.

Keunstners en dosinten[bewurkje seksje | edit source]

Hjirûnder in listje mei inkelde keunstners dy't as 'resident artists' oan de akademy ferbûn wienen en dosinten:

Sjoch ek[bewurkje seksje | edit source]

De Groep fan de figurative abstraksje

Keppeling om utens[bewurkje seksje | edit source]