Fjoertûfke

Ut Wikipedy
Gean nei: navigaasje, sykje
Fjoertûfke
Fjoertûfke.jpg
taksonomy
Klasse: Fûgels (Aves)
Skift: Moskeftigen (Passeriformes)
Famylje: Sjongers (Sylvidae)
soarte
Regulus ignicapillus
Regulus ignicapillus
Regulus ignicapilla

It Fjoertûfke (Regulus ignicapillus) is in lytse fûgel dy't yn Jeropa foarkomt.

Taksanomy[bewurkje seksje | edit source]

It skaai fan de Goudtûfkes waard fanâlds altyd by de Sjongers yndield, mar tsjintwurdich wurde se faak yn in aparte famylje (Regulidae) set.
De Fjoertûfkes op Madeira, earder in ûndersoarte fan it Fjoertûfke, wurde tsjintwurdich as aparte soarte sjoen, it Madeira Fjoertûfke (Regulus madeirensis).

Foarkommen[bewurkje seksje | edit source]

It Fjoertûfke is sa'n 9-10 sm grut en krekt wat grutter as it Goudtûfke. It uterlik komt oerien mei it Goudtûfke, mar foaral it gesicht ferskilt. It Fjoertûfke hat in opfallende swarte streek troch it each mei derboppe en derûnder in wite streek, wylst it Goudtûfke der gjin dúdlike tekening hat. Ek hat it Fjoertûfke op it skouder brûnskleurige fearren dy't by it Goudtûfke ûntbrekke.
It Madeira Fjoertûfke hat in langere snaffel, de oranje krûn is wat minder fel en de wite streek boppe de eachstreek is langer.

Fersprieding[bewurkje seksje | edit source]

It Fjoertûfke komt yn grutte parten fan Midden- en Súd-Jeropa foar, harren libbensgebiet leit wat súdliker as dat fan it Goudtûfke. Fierder komme se ek foar op Madeira en yn Noard-Afrika . Se binne meast te finen yn mingde bosken of nuddelbosken, se binne miskien wat minder bûn oan de nuddelbosken as it Goudtûfke. Lykas by it Goudtûfke binne de noardlikste fûgels trekfûgels.

Fuortplanting[bewurkje seksje | edit source]

It Fjoertûfke makket in bolfoarmich nêst fan moas mei in lytse yngong oan de boppekant. It wyfke leit twa kear aaien dy't se yn twa wike útbriedt. De jongen binne nei sa'n 19-20 dagen grut genôch om út te fleanen.

Wikimedia Commons Dit materiaal is beskikber by Wikimedia Commons as Regulus ignicapillus en wurdt mooglik ek brûkt by oare Wiky-projekten.