1 World Trade Center

Sa moat de nije Frijheidstoer wurde.

De 1 World Trade Center (âldere namme en bynamme Frijheidstoer) is de namme fan in gebou yn New York City dat noch boud wurde moat, yn de omkriten dêr't foarhinne de twa tuorren fan it Wrâldhannelsintrum stienen, dy't troch terroristyske oanslaggen op 11 septimber 2001 delstoart binne. De toer is in ûntwerp fan boumaster Daniel Libeskind. Neist de Freedom Tower komme der 5 oare tuorren: WTC 7 dy't der al stiet, 200 Greenwich, 175 Greenwich, 150 Greenwich en Tower 5.

Skiednis[bewurkje seksje]

Inisjeel soe de toer de namme Freedom tower (Frijheidstoer) krije. Yn maart 2009 keas de eigner, de havenautoriteit fan New York en New Jersey, foar de namme 1 World Trade Center omdat dat kommersjeel better wêze soe. ^[1] Dêr wie in protte krityk tsjin.

Eigenskippen[bewurkje seksje]

De toer sil boud wurde yn 'e noardwesterhoeke yn in gebiet fan 6,5 hektare dêr't eartiids it Wrâldhannelsintrum stie. De toer sil 1776 foet heech wurde, dat ferwiist nei it jier 1776, it jier dat it kongres fan 'e Feriene Steaten fan Amearika de ûnôfhinklikensferklearring oannaam. Nei it heechste dak sil de toer 415 meter wêze. Op 27 april 2006 is der begûn mei de fûndearrings, en it bouwen fan de toer sil nei alle gedachten ôfrûn wêze om 2012, 2013 hinne.

Yndieling[bewurkje seksje]

De toer krijt 108 ferdjippings. De yndieling fan de toer is as folget^[2]

Ferdjippings 1-19: sokkel fan de toer
20-63: buro's
64: Skylobby
65-88: Buro's
89-99: Meganyk
100–101: Restaurant
102: Utsichtplatfoarm
103–108: Meganyk / Kommunikaasjeapparatuer
Dak: Iepen útsichtplatfoarm

Nijsgjirrichheden[bewurkje seksje]

Der sil in monumint komme foar de Twin Towers. It monumint sil ‘reflecting absence’ hjitte en is ûntworpen troch Michel Arad.
Der sille romtes komme yn de etaazjes ûnder de grûn dêr't minsken hinne kinne om 11 septimber te betinken. De twa kelder etaazjes komme op itselde plak dêr't de Twin Towers stienen.