0

Ut Wikipedy
Gean nei: navigaasje, sykje

Ieuwen: 4e f. Kr. - 3e f. Kr. - 2e f. Kr. - 1e f. Kr. - 1e ieu - 2e -- 3e - 4e -- 5e -- 6e
Jierren: -5 - -4 - -3 - -3 - -1 - 0 - 1 -- 2 -- 3 -- 4 -- 5


Der bestiet gjin jier 0; yn ús jiertelling wurdt it jier 1 foar Kristus daliks folge troch it jier 1 nei Kristus.

De logika dêrfan is dat de jiertelling gjin 'nuljier' hat, lykas in moanne ek net in dei nul hat. De jiertelling hat gjin nuljier, mar in nulpunt, dat it begjinpunt fan de jiertelling is. It nulpunt fan ús jiertelling is dus de jierwikseling fan 1 f.Kr. nei 1 nei Kr. Dat punt waard oarspronklik achte gear te fallen mei de berte fan Jezus fan Nazaret. Dit tiidstip waard inkele ieuwen letter as it begjinpunt fan de kristlike jiertelling oannomd. De measte ûndersikers stelle lykwols dat de feitlike berte fan Jezus ûngefear fjouwer jier foàr dit tiidstip barde.

Yn guon wittenskippen (benammen yn de astronomy) wurdt in oar systeem brûkt. It jier foarôfgeand oan it jier 1, wurdt dêr it jier 0 neamd (wat oerienstimt mei 1 foar Kristus). It jier dêrfoar wurdt it jier -1 neamd (wat oerienstimt mei 2 foar Kristus). De reden hjirfoar is dat formules wêryn it jier ynfold wurde moat, ûnoan brûkt wurde moatte kinne. ISO 8601 brûkt ek dizze astronomyske jiertelling, mar dêryn wurde jiertallen hieltiten mei minstens 4 sifers oantsjutten: 0001 wurdt foarôfgien troch 0000 (1 foar Kristus), en it jier dêrfoar is -0001 (2 foar Kristus). Achtsje dat ISO 8601 standert de Gregoriaanske kalinder brûkt, sels proleptysk (dus foar dy kalinder ynfierd waard). Yn de gewoane taal en yn de skiednis wurdt dizze manier fan tellen lykwols komselden brûkt.

It jier nul yn de taal[bewurkje seksje | edit source]

Mei it jier nul tsjut men oan dat eat âldfrinzich of weardeleas:
Sa'n jaske dat kin echt net mear, dat is der ien út it jier nul.

Soch ek[bewurkje seksje | edit source]