Iisherberch

Iisherberch Huylckenstein (tolhûs) mei tolbrêge oer de Frjentsjerter Feart, op it krúswetter fan de Boalserter Feart mei de Frjentsjerter Feart te Easterlittens. Huylckenstein is boud ± 1509 en yn 1932 sloopt

In iisherberch of wetterherberch wie in herberch dy't meastentiids op in krusing fan wetters stie en winterdeis in soad klandyzje hie fan reedriders. Der wie boerekofje te krijen en jûns klonk de fioele.

Bekend wienen De Dille (by Easterwierrum), Bartlehiem, Burdaard, Hulkenstein (Easterlittens), Abbegeasterketting, Altenburch (by Tytsjerk), Froskepôle (súdeast fan Ljouwert), Oostergo (Grou, Galamadammen (by Koudum), Aldskou (by Akkrum), Burgumerdaam en Dokkum. Yn de 20e iuw binne de measte ferdwûn.

Keppeling om utens

• Wikiwurdboek-side - iisherberch

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, IJsherbergen.