Annejet van der Zijl
| Annejet van der Zijl | ||
 skriuwer
| ||
| ||
| Annejet van der Zijl yn 2010 | ||
| persoanlike bysûnderheden | ||
| echte namme | Annajetske van der Zijl | |
| nasjonaliteit |  Nederlânsk
| |
| berne | 6 april 1962 | |
| berteplak | Oterleek (Noard-Hollân) | |
| etnisiteit |  Frysk
| |
| wurk | ||
| taal | Nederlânsk | |
| sjenre | non-fiksje (biografyen), lit. skrillers | |
| bekendste wurk(en) |
Sonny Boy | |
| útjouwer | Nijgh & Van Ditmar | |
| prizen | Gouden Ganzenveer 2012 | |
| jierren aktyf | 1999 – no | |
| offisjele webside | ||
| www.annejetvanderzijl.com | ||
Annajet van der Zijl (folút: Annajetske van der Zijl; Oterleek, 6 april 1962) is in Nederlânsk skriuwster en historika dy grut waard yn Fryslân.
Libben en karriêre[bewurkje seksje | boarne bewurkje]
Jonkheid, oplieding en karriêre yn 'e sjoernalistyk[bewurkje seksje | boarne bewurkje]
Van der Zijl waard yn 1962 berne yn Oterleek, yn Noard-Hollân, mar groeide op yn Ljouwert. Har âlden wiene allebeide leararen. Nei't se oan it Kristlik Gymnasium Beyers Naudé de middelbere skoalle trochrûn hie, die Van der Zijl ynearsten in oplieding keunstskiednis. Se studearre lykwols oan 'e Universiteit fan Amsterdam ôf yn massakommunikaasje. Nei in stikmannich staazjes yn Ingelân waard se misdiesjoernaliste en redaktrise by it tydskrift HP/De Tijd, dêr't se oant 1999 bleau. Yn 1998 die se fierders yn Londen noch in masterstúdzje ynternasjonale sjoernalistyk. Van der Zijl spesjalisearre har yn rekonstruksjes en portretten fan bekende en ûnbekende minsken en fan groepen dy't mei elkoar in tiid fan alteraasje meimakken, lykas Nederlanners dy't yn maaie 1968 nei Parys teagen. Se skreau ek oer misdieden en politike foarfallen, as de kreakersrellen op Keninginnedei 1980.
Karriêre as skriuwster[bewurkje seksje | boarne bewurkje]
Har earste boek oer it Goaiske lânhûs Jagtlust - yn de jierren fyftich en sechtich sammelpunt fan alles wat jong en artistyk wie - wie in logysk ferfolch fan it sjoernalistike wurk. Mei meiwurking fan eardere bewenners lykas útjouwer Theo Sontrop en Remco Campert lei hja de skiednis fan dat hûs fêst yn it boek Jagtlust (1998).
Ein 1999 naam Van der Zijl ûntslach by HP/De Tijd om te wurkjen oan de biografy fan Annie M.G. Schmidt, stimulearre troch de soan fan de skriuwster Flip van Duyn en har útjouwer Ary Langbroek. Se stribbe nei in biografy nei Angelsaksysk foarbyld: in sa folslein mooglik libbesferhaal dat ek spannend wêze moast. Ynspirearre op dy biografy is der in sândielige telefyzjerige makke Annie M.G. dy't yn 2010 útstjoerd waard.
Sonny Boy, oer de "verdwenen levens" fan Waldemar Nods en Rika van der Lans, ferskynde yn 2004. Sonny Boy waard yn jannewaris 2010 ferfilme troch regisseur Maria Peters. Medio 2010 binne fan it boek al in heal miljoen eksimplaren ferkocht.
Op 4 maart 2010 promovearre se oan de Universiteit fan Amsterdam op in biografy fan prins Bernhard. Har promotor wie professor Hans Blom.
Nei Bernhard ferskynde Moord in de Bloedstraat (2013), yn 2014 folge troch Gerard Heineken - it oant dan ta ûnbekende libbensferhaal fan de oprjochter fan it bierbedriuw Heineken. Yn novimber 2015 ferskynde Van der Zijls boek De Amerikaanse prinses, oer Allene Tew. Foar de Boekewike fan 2020 (7 o/m 15 maart) skreau Van der Zijl it boekewikegeskink, Leon & Juliette, oer Juliette MacCormick de Magnan en Leon Herckenrath [1].
Priveelibben[bewurkje seksje | boarne bewurkje]
Annejet van der Zijl is troud mei Jo Simons, dy't ek skriuwer is. Hja wenje yn Bergen.
Bibliografy[bewurkje seksje | boarne bewurkje]
Non-fiksje[bewurkje seksje | boarne bewurkje]
- 1998 – Jagtlust (oer de keunstnerskoloanje yn It Goai; by J.M. Meulenhoff, Amsterdam; twadde fannijs besjoene printinge by Nijgh & Van Ditmar, Amsterdam, 2005, ISBN 90 388 8732 9)
- 2002 – Anna (biografy fan Annie M.G. Schmidt; Nijgh & Van Ditmar, Amsterdam, ISBN 90 388 8752 3 / ISBN 90 388 8733 7)
- 2004 – Sonny Boy (Nijgh & Van Ditmar, Amsterdam, ISBN 90 388 8735 3; yn 2009 werútjûn mei as tafoeging de foarstúdzje De Dageraad, by gelegenheid fan de 25e printinge fan Sonny Boy, ISBN 978 90 214 3768 2)
- 2010 – Bernhard, Een Verborgen Geschiedenis (biografy fan prins Bernhard, dêr't Van der Zijl op promovearre)
- 2014 – Gerard Heineken (biografy fan Gerard Heineken)
- 2015 – De Amerikaanske Prinses (biografy fan Allene Tew, de Amerikaanske petemem fan prinsesse Beatrix)
Fiksje[bewurkje seksje | boarne bewurkje]
- 2018 – De Val van Annika S. (literêre skriller, mei har man Jo Simons) ISBN 978 90 488 41882
- 2020 - Leon & Juliette. CPNB, ISBN 978 90 596 55140
- 2021 - Fortuna's kinderen, ISBN 978 90 488 62412
Prizen[bewurkje seksje | boarne bewurkje]
- 2003 – Siuwske Boekepriis - Anna
- 2006 – Litterêre Wite Priis
- 2010 – M.J. Brusseprijs - Bernhard
- 2012 – Gouden Ganzenveer
- 2016: Amsterdampriis foar de Keunst
| Boarnen, noaten en/as referinsjes: |
|
 |
Ofbylden dy't by dit ûnderwerp hearre, binne te finen yn de kategory Annejet van der Zijl fan Wikimedia Commons. |