Yndyske Arsjipel

Ut Wikipedy
(Trochwiisd fan "Ynjeske Arsjipel")
Gean nei: navigaasje, sykje
De Yndyske Arsjipel

De Yndyske Arsjipel is in arsjipel fan grutte en lytse eilannen dy't tusken it skiereilân Malakka, yn Súdeast-Aazje en Austraalje lizze.

By de Yndyske Arsjipel wurde de Grutte Sûnda-eilannen, de Lytse Sûnda-eilannen, de Molukken en de eilannen fan de Filipinen rekkene. Nij-Guinea leit op it kontinintale plat fan Austraalje en wurdt gewoanwei net ta de Yndyske Arsjipel rekkene.

De Yndyske Arsjipel foarmet mei Austraalje de grins tusken de Yndyske en de Grutte Oseaan. De westelijke begrenzing van de archipel is Sumatra. Yn it suden wurdt de arsjipe begrinzge troch Java en de lytse Sûnda-eilannen; yn it easten troch de Molukken en de noard-eastlike grins binne de Filipinen.

It lânoerflak fan de arsjipel is goed 2 miljoen km² en hat in befolking fan sa'n 300 miljoen. Borneo is it grutste eilân, mar op Java wenje de measte minsken.

Geologysk is it gebied nijsgierrich: dêr leit ien fan de meast aktive fulkanyske gebieten op ierde. De heechste fulkaan is de Kinabalu op Noard-Borneo mei 4095 meter. It klimaat fan de arsjipel is fanwege de lizzing by de evener tropysk; yn it westen falt in soad rein, it easten is wat droeger.

De fauna yn it westlike part is besibbe oan dy fan Súdeast-Aazje, mei soarten sa as tigers, bearen en apen. Eastlik fan de Wallaceline komme Australyske soarten mear foar, wylst apen dêr hast net mear foarkomme.

Grutte dielen fan de Yndyske Arsjipel hearden eartiids ta Nederlânsk-Ynje. Yn it Maleisk wurdt de Yndyske Arsjipel ek wol oantsjut as Nusantara ('eilannen tusken twa wrâlden yn').

Sjoch ek[bewurkje seksje | edit source]