Wytrêchein

Wytrêchein
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift goeseftigen (Anseriformes) famylje einfûgels (Anatidae) skaai wytrêcheinen (Thalassornis) Eyton, 1838
soarte
Thalassornis leuconotus
Eyton, 1838
IUCN-status: net bedrige

De wytrêchein (Thalassornis leuconotus) is in fûgel út de famylje fan 'e einfûgels (Anatidae). It is de iennige soarte yn it monotypsyske skaai wytrêcheinen (Thalassornis).

Beskriuwing

Wytrêcheintsjes yn Tanzania.

Wytrêcheintsjes binne lytse eintsjes fan 38 oant 40 sm lang mei in brún bûnt fearrekleed, in swarte snaffel mei giele spikkels en griengrize poaten. Se ha in wyt plak by de basis fan 'e snaffel. Mantsjes en wyfkes binne allyk. Se wurde likernôch 45 sm en wege 625 oant 800 gram. De fûgels binne anatomysk perfekt oanpast oan it dûken en se kinne oant likernôch in heale minút ûnder wetter bliuwe en oant 65 m ôflizze. By it swimmen leit de sturt plat op it wetter. De wite rêch is allinne yn 'e flecht te sjen.

Fersprieding

Wytrêcheinen libje yn Afrika, fral tusken Senegal en Tsjaad yn it westen en Etioopje yn it easten en Súd-Afrika yn it suden. Harren biotoop bestiet út fivers, marren en sompen, dêr't se troch harren fearren net opfalle foar rôfdieren. It binne stânfûgels.

Undersoarten

Der wurde twa ûndersoarten ûnderskieden:

• Thalassornis leuconotus leuconotus
• Thalassornis leuconotus insularis: libbet op Madagaskar en wurdt bedrige troch de jacht, it ferlies fan biotoop en de yntroduksjes fan konkurearjende eksoaten.

Status

Birdlife International rûst de totale populaasje tusken 13.000 en 30.000 fûgels, itjinge delkomt op likernôch 8.500 oant 20.000 folwoeksen fûgels. De West-Afrikaanske populaasje liket ôf te nimmen en telt minder as 1.000 fûgels. Lokaal ferdwynt de wytrêchein ek op plakken yn Madagaskar, lykas de Alaotramar. Mooglik nimme de oantallen fierder ôf troch klimaatferoaring wêrtroch it ferspriedingsgebiet fan 'e soarte oer likernôch 50 jier mei 30% ôfnimt. De soarte hat boppedat te lijen fan 'e jacht. Dochs stiet de wytrêchein as net bedrige op 'e Reade list fan 'e IUCN. Op 'e ein is de Oerienkomst ta Behâld fan trekkende Afrikaansk-Euraziatyske wetterfûgels (AEWA) fan tapassing.

Keppeling om utens

• Birdlife, oproppen 1 febrewaris 2025.
• IUCN, oproppen 1 febrewaris 2025.
• Ebird, oproppen 1 ferbewaris 2025.
• Avibase, oproppen 1 febrewaris 2025.

Boarnen, noaten en referinsjes

Boarnen, noaten en/as referinsjes:

Birdlife Commons Wikimedia Commons  Ofbylden dy't by dit ûnderwerp hearre, binne te finen yn de kategory Thalassornis leuconotus fan Wikimedia Commons.