Wytbúkiisfûgel

Wytbúkiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai Afrikaanske iisfûgels (Corythornis)
soarte
Corythornis leucogaster
Fraser, 1834
IUCN-status: net bedrige

De wytbúkiisfûgel (Corythornis leucogaster; synonym: Alcedo leucogaster) is in fûgel út de famylje iisfûgels (Alcedinidae).

Beskriuwing

De wytbúkiisfûgel is in lytse iisfûgel fan 13 sm lang en likernôch 14,5 gram. De boppedielen binne ultramaryn en de snaffel en poaten binne read. It ûnderbealchje is oranjebrún mei in wite streek, dy't fan 'e kiel nei de ûnderkant fan 'e sturt rint. Mantsjes en wyfkes binne gelyk.

Fersprieding

De soarte libbet yn Sintraal- en West-Afrika en der wurde trije ûndersoarten erkend:

• C. l. bowdleri: fan Guinee oant Maly en Gana.
• C. l. leucogaster: fan Nigearia oant noardwestlik Angoala en Bioko.
• C. l. leopoldi: fan eastlik Kongo oant Súd-Uganda en Noardwest-Sambia.

Foar de soarte is subtropysk bosk wichtich, mar de fûgel wurdt ek waarnommen yn wiete gebieten, plantaazjes of grutte parken.

Status

De grutte fan 'e populaasje is net kwantifisearre. De soarte hat in grut ferspriedingsgebiet, mar is net algemien. Fanwegen it ferlies oan bosk yn it ferspriedingsgebiet wurdt der fanút gien dat de oantallen tebekrinne. Op 'e Reade list fan 'e IUCN hat de soarte de status fan net bedrige (2024).

Boarnen, noaten en/as referinsjes:

Birdlife Ebird Commons Wikimedia Commons  Ofbylden dy't by dit ûnderwerp hearre, binne te finen yn de kategory Wytbúkiisfûgel fan Wikimedia Commons.