Wobbe van Seijen

Ut Wikipedy
Springe nei navigaasje Springe nei sykjen
Wobbe van Seijen
persoanlike bysûnderheden
echte namme Wobbe van Seijen
nasjonaliteit Flag of the Netherlands.svg Nederlânsk
berne 24 juny 1947
berteplak Ljouwert (Fryslân)
etnisiteit Frisian flag.svg Frysk
wurkpaad
berop/amt ûndernimmer
jierren aktyf 1963 – no

Wobbe van Seijen (Ljouwert, 24 juny 1947)[1] is in Frysk ûndernimmer en muzykprodusint.[1]

Libben en karriêre[bewurkje seksje | boarne bewurkje]

Van Seijen waard yn 1947 berne[1] yn 'e Fryske haadstêd Ljouwert[1] as de soan fan útjouwer en boekhanneler Melis van Seijen.[1] Hy wie in omkesizzer fan 'e skriuwer Ad van Seijen.[1]

Yn 1963 rjochte Van Seijen yn syn berteplak oan 'e Wurdumerdyk de platesaak Bij de Put op.[1] Dêrnjonken fêstige er yn 1972 it platelabel Universe, dat muzyk op 'e merk brocht fan û.o. Pugh's Place, Irolt, Herman Brood en Hans Dulfer.[1] Yn 1983 begûn Van Seijen in twadde platelabel, dat Sound & Vision hiet. Dat joech benammen wurk út Fryske popformaasjes, lykas Kobus gaat naar Appelscha.[1]

Op tongersdei 23 april 2020 waard de opslach fan Van Seijen oan 'e Foarstreek yn Ljouwert troch in útslaande brân folslein ferwoastge.[2] Dêrby gie syn hiele kolleksje ferlern: net allinnich it magazyn fan syn nêstlizzende winkel, mar ek alles fan syn Universe-label en syn privee-samling, mei in protte tige seldsume en dêrom ûnferfangbere platen.[2]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 1,2 1,3 1,4 1,5 1,6 1,7 1,8 Schroor, Meindert (haadred.), Nieuwe Encyclopedie van Fryslân, De Gordyk/Ljouwert, 2016 (Utjouwerij Bornmeer/Tresoar), ISBN 978-9 05 6153 755, s. 2388..
  2. 2,0 2,1 Walthaus, Asing, "Mijn levenswerk is helemaal weg", yn: de Ljouwerter Krante, 28 april 2020, s. 25.