Olterterp

	Olterterp
	Hippolytustsjerke
	Emblemen
	Polityk
Lân	Nederlân
Provinsje	Fryslân
Gemeente	Opsterlân
	Sifers
Ynwennertal	70 (1 jannewaris 2023)
Oerflak	6,2 km², wêrfan: ; - lân: 6,19 km² ; - wetter: 0,02 km²
Befolkingsticht.	11,3 ynw./km²
	Oar
Tiidsône	UTC +1
Simmertiid	UTC +2
Koördinaten	53° 03' N 6° 06' E
	Lokaasje Olterterp yn de gemeente Opsterlân
	Offisjele webside
	Side Beetstersweach-Olterterp
	Kaart
	;

Olterterp is in doarp yn de gemeente Opsterlân, krekt eastlik fan Beetstersweach. It is it lytste doarp fan de gemeente, ûnder it doarp falt ek it buorskip Heidehuzen.

Olterterp hat 70 (1 jannewaris 2023)^[2] ynwenners.

Etymology[bewurkje seksje | boarne bewurkje]

Olterterp komt yn 1315 foar as Utrathorp. Utrathorp mei Urathorp (Oerterp) binne nammen dy't de lizzing fan beide doarpen foar de rivier de Boarn oer oanjouwe. It Aldfryske ûtere betsjut "bûtenste" of "oan de bûtenkant lizzend" en ûr "oer" of "boppe". Dat Olterterp is it streamôf lizzende doarp.
De foarmen Otter- en Olter- hawwe lange tiid neist elkoar bestien, mar alinne de fariant Olterterp is oerbleaun.^[3]

Skiednis[bewurkje seksje | boarne bewurkje]

De famylje Fan Boelens wie eartiids eigner fan fierwei it measte lân en opstallen yn Olterterp. Amerozius Ayzo fan Boelens sette oan it begjin fan de 19e iuw útein it ûnlân te beplantsjen mei beammen.

Yn 1793 waard Boelensstate stifte troch Ambrosius Ayso fan Boelens, dy't yn 1907 ferfongen waard troch Huzinge Olterterp dêr't earder de famylje Fan Boelens wenne. It is no it haadkantoar fan It Fryske Gea^[4]. By Beetstersweach stiet hearehûs De Horst, dat yn 1907 boud is troch de Beetstersweachster arsjitekt Luitje de Goed (1853-1926).

Bûten Olterterp leit yn 'e rjochting fan it Selmien it Aldhôf, oanlein yn 1830, is it famyljebegraafplak fan de famylje Fan Boelens. Ambrosius Ayzo fan Boelens (1766-1834) liet de heuvel opsmite, dêr't tsjintwurdich 12 stiennen lizze fan syn neiteam, ôffrede troch in smei-izeren hekke. It famyljewapen stiet op it grêf fan Boelardus Augustinus (1791-1830) ôfbylde.^[5]

Tsjerke[bewurkje seksje | boarne bewurkje]

De Wikipedy hat ek in side Sint-Hippolytustsjerke (Olterterp).

Yn Olterterp stiet in tsjerke út 1415 mei in toer út de 18e iuw. It tsjerkegebou is oplutsen út kleastermoppen yn goatyske styl. De tsjerke wie wijd oan Sint Hippolytus. Op de tsjerkeflier lizze sarken út de 17e en 18e iuw. Oan de muorren hingje rouboerden út dy tiid fan belangrike famyljes út dy tiid: Boelens, Lycklama à Nijeholt en Hemminga. Foar de tsjerke is yn 1744 in toer boud, de liedklok is wierskynlik fan 1444. Yn 1974 is it gebou restaurearre. De tsjerke is yn behear by de Stifting Alde Fryske Tsjerken en der wurde geregeld konserten jûn.

It suvelfabryk[bewurkje seksje | boarne bewurkje]

Yn 1893 waard it stoomsuvelfabryk "De Hoop" stifte troch de erven Van Boelens, it pear Sandberg-van Boelens fan Arnhim. It molkfabryk stie oan de hoeke fan de dyk nei it Selmien en dy nei It Súd ûnder Drachten. Oant 1917 wie der ek in nôtmeallerij. Nei 1965 waard der ûnderhannele oer in fúzje mei de fabriken fan Boarnburgum, Terwispel en Langsweagen. Yn 1975 folge gearwurking mei dy fabriken ûnder de namme "De Zuid-Oost-Hoek"; letter waard it fabryk part fan "Friesland Frico Domo". Yn 2003 gie de produksje oer nei de suvelfabriken fan Warkum en Bedum en gie it fabryk ticht en waard ôfbrutsen. ^[6]

Mienskip[bewurkje seksje | boarne bewurkje]

Foar foarsjennings is Olterterp oanwiisd op Beetstersweach. Olterterp hat tegearre mei Beetstersweach in feriening fan Pleatslik Belang.

Tsjerke[bewurkje seksje | boarne bewurkje]

Protestantse Gemeente ViaPacis

Befolkingsferrin[bewurkje seksje | boarne bewurkje]

Jier	1840	1954	1959	1964	1969	1973	2004	2005
Ynwenners	154	184	155	144	137	130	90	96
Jier	2015	2020
Ynwenners	83	80

Strjitten[bewurkje seksje | boarne bewurkje]

Achterwei, Aldhôf, Boppefjild, Heidehuzen, Poostwei, Van Harinxmawei.

Ofbylden[bewurkje seksje | boarne bewurkje]

De útspanning "It Wite Hûs" mei fiver en boarterstún yn Olterterp, ± 1915
It Wite Hûs (2022)
De Horst
Huzinge Olterterp

Sjoch ek[bewurkje seksje | boarne bewurkje]

Fryske doarpen.

	Opsterlân
Doarpen en útbuorrens: Bakkefean • Beetstersweach • Fryske Peallen • De Gordyk • De Himrik • Jonkerslân • Langsweagen • Lippenhuzen • Lúkswâld • Nij Beets • Oerterp • Olterterp • Sigerswâld • Terwispel • De Tynje • Wynjewâld
Buorskippen: Ald Beets • Allardseach (foar in part) • It Foarwurk • Foksebuorren • De Hanebuert • Hanebuorren • Heidehuzen • Himrikerferlaat • Koartsweagen • Lyts Grins • Moskou (foar in part) • Nije Feart • Oerterp oan de Feart • Petersburch • Selmien • Sparjeburd • De Ulesprong • Weinterpferlaat • De Wyngaarden
wizigje

Boarnen, noaten en referinsjes[boarne bewurkje]

Boarnen, noaten en/as referinsjes:

↑ https://opendata.cbs.nl/statline
↑ https://opendata.cbs.nl/statline
↑ J.J. Spahr van der Hoek, Olterterp yn Fryske Plaknammen diel VIII sd. 19-22.
↑ Peter Karstkarel, 419x Friesland, Van Slijkenburg tot Moddergat. Utjouwerij Noordboek
↑ Ljouwerter Krante, (De krant van toen
↑ sa24.nl

Wikimedia Commons

Ofbylden dy't by dit ûnderwerp hearre, binne te finen yn de kategory Olterterp fan Wikimedia Commons.

[1] ttps://opendata.cbs.nl/statline

[2] ttps://opendata.cbs.nl/statline

[3] J.J. Spahr van der Hoek, Olterterp yn Fryske Plaknammen diel VIII sd. 19-22.

[4] Peter Karstkarel, 419x Friesland, Van Slijkenburg tot Moddergat. Utjouwerij Noordboek

[5] Ljouwerter Krante, (De krant van toen

[6] sa24.nl

[1]

[2]

[3]

[4]

[5]

[6]