Ibearyske hazze
| Ibearyske hazze | ||||||||||||
|---|---|---|---|---|---|---|---|---|---|---|---|---|
| ||||||||||||
| taksonomy | ||||||||||||
| ||||||||||||
| soarte | ||||||||||||
| Lepus granatensis | ||||||||||||
| Rosenhauer, 1856 | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
.png) yntrodusearre troch de minske as eksoat aard fan 'e fersprieding ûnwis |
De Ibearyske hazze (Latynske namme: Lepus granatensis), ek wol de Granadahazze neamd, is in sûchdier út it skift fan 'e hazze-eftigen (Lagomorpha), de famylje fan 'e hazzen en kninen (Leporidae), it skaai fan 'e echte hazzen (Lepus), en it lyknammige ûnderskaai fan 'e echte hazzen (Eulagos), dêr't ek de 'gewoane' hazze (Lepus europaeus), diel fan útmakket.
Fersprieding[bewurkje seksje | boarne bewurkje]
De Ibearyske hazze is, sa't de namme al oanjout, lânseigen op it Ibearysk Skiereilân, dêr't er foarkomt op in grut diel fan it Spaanske fêstelân. Hy ûntbrekt lykwols yn hast hiel Kataloanje, yn it noarden fan Aragon, Baskelân, Kantaabrje en Astuerje, yn dielen fan westlik en sintraal Ekstremadoera, yn súdlik Falinsia en in grut diel fan Moersia. Yn Portegal komt de Ibearyske hazze foar yn it uterste noardeasten en yn in dielen fan 'e midden en it suden fan it lân. Op 'e Baleären libbet er ek op it eilân Majorka, mar it is net wis oft er dêr lânseigen is of dat er der troch de minske yntrodusearre is. Yn in lyts gebiet yn 'e Rônedelling fan súdlik Frankryk, dêr't er ek foarkomt, is er sûnder mis in eksoat.
Status[bewurkje seksje | boarne bewurkje]
De Ibearyske hazze hat de IUCN-status fan "net bedrige", mei't er yn syn ferspriedingsgebiet noch rûnom foarkomt en om't de populaasje stabyl liket te wêzen.
Undersoarten[bewurkje seksje | boarne bewurkje]
Der binne trije erkende ûndersoarten fan 'e Ibearyske hazze:
- de gewoane Ibearyske hazze (Lepus granatensis granatensis): ljochter kleure, mei fierwei de grutste populaasje; komt foar yn it suden en easten fan it Ibearysk Skiereilân;
- de Galisyske hazze (Lepus granatensis gallaecius): dûnkerder kleure; komt foar yn it noardwesten fan it Ibearysk Skiereilân;
- de Majorkahazze (Lepus granatensis solisi): ljochter kleure, mei in behindiger lichemsbou; komt foar op Majorka, mar is wierskynlik útstoarn of alteast tige seldsum, mei't der al jierren gjin betroubere waarnimmings mear dien binne.
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
