Britte Lagcher

Britte Lagcher
akteur
persoanlike bysûnderheden
echte namme	Britte Lagcher
nasjonaliteit	Nederlânsk
berne	5 juny 1989
berteplak	Hilfertsom (Noard-Hollân)
etnisiteit	Nederlânsk
jierren aktyf	2012 – no
offisjele webside
www.brittelagcher.nl

Britte Lagcher (Hilfertsom, 5 juny 1989) is in Nederlânsk toaniel-, tillefyzje- en filmaktrise.

Libben en karriêre

Lagcher waard yn 1989 berne yn Hilfertsom. Hja studearre yn 2012 ôf oan 'e Amsterdamske Toanielskoalle en Lytskeunstakademy. Sûnt hie se gastrollen yn ferskate tillefyzjesearjes, wêrûnder Van God Los, Centraal Medisch Centrum en Flikken Rotterdam. Ek wie se te sjen yn minysearjes as Van Gogh: Een Huis voor Vincent, Ramses en Rampvlucht.

Yn 2015 hie se Lagcher wichtige byrol yn it trêde seizoen fan 'e dramarige Overspel. Yn 2016 hie se in fêste rol yn 'e searje Lost in the Game. Yn 2017 spile se yn 'e Videoland-searje Suspects, dy't hielendal sûnder senario opnommen waard. Fan 2017 oant 2020 hie Lagcher in weromkearende rol as Xanna Vermeulen yn 'e searje Meisje van Plezier. Yn 2021 wie se ien fan 'e dielnimmers oant 'e edysje fan dat jier fan it realitytillefyzjeprogramma Expeditie Robinson.

Behalven op 'e tillefyzje wurket Lagcher ek geregeldwei mei oan films. Sa hie se yn 2016 in lytse roltsje as wurdfierster fan 'e Amsterdamske plysje yn 'e horrorfilm Prooi, en yn 2018 hie se in byrol yn 'e histoaryske aventoerefilm Redbad, fan regisseur Roel Reiné, oer de achtste-iuwske Fryske kening Redbad. Fierders is Lagcher ek te sjen yn toanielfoarstellings. Sa spile se ûnder har stúdzje by it toanielselskip Orkater. Sûnt 2013 is se ferbûn oan it Toneelschap Beumer & Drost.

Filmografy

Filmografy as aktrise
jier	titel	rol of funksje	opmerkings
tillefyzje
2013	Van Gogh: Een Huis voor Vincent	Lies van Gogh	minysearje
2013	Lieve Céline	winkelbetsjinde #2	tillefyzjefilm
2013	Van God Los	Maja Blom	gastrol; ôfl. Para
2014	Ramses	ferpleechster Lisa	minysearje
2015	De Lange Nasleep van een Korte Mededeling	gast	tillefyzjefilm
2015	Overspel	Wendy Liekerk	weromkearende rol; 8 ôfl.
2016	Land van Lubbers	Erica	minysearje
2016	Centraal Medisch Centrum	Amber Veldman	gastrol; ôfl. s1e4
2016	Lost in the Game	Evi	fêste rol; 50 ôfl.
2017	Verliebt in Amsterdam	Jenny	tillefyzjefilm
2017–2018	Suspects	Liv Scholten	fêste rol; 13 ôfl.
2017–2020	Meisje van Plezier	Xanna Vermeulen	weromkearende rol; 26 ôfl.
2020	Van der Valk	moadestudinte	gastrol; ôfl. Death in Amsterdam
2020	Niks te Melden	Operation Flat White	as stimaktrise; weromkearende rol; 5 ôfl.
2021	Flikken Rotterdam	frou De Bie	gastrol; ôfl. Verkeerd Bezorgd
2021	Expeditie Robinson	harsels	dielnimster oan in realitytillefyzjeprogramma
2022	Ten Minste Houdbaar tot	Monique	gastrol; ôfl. Op Blote Voeten
2022	Rampvlucht	Nina	minysearje
2022	Eerlijk Gestolen	ûnbekend	tillefyzjefilm
films
2014	Vier Meter	Ariël	koarte film
2015	De Boskampi's	sekretaresse
2016	Vandaag is van Ons	famke	koarte film
2016	Toen Mijn Vader een Struik Werd	leararesse
2016	Riphagen	Greetje
2016	Prooi	wurdfierster plysje Amsterdam
2016	Giraffe	Elsa	koarte film
2017	Voor Elkaar Gemaakt	Julia
2017	Gek van Geluk	resjersjeur Hannie
2018	Redbad	Sinde
2018	All You Need is Love	Amber
2020	Hollandse Nieuwe	Cécile	koarte film
2020	Sea Shadow	mem	koarte film
2022	El Houb	Eline

Keppelings om utens

• (ned) Offisjele webside fan Britte Lagcher
• (in) Folsleine filmografy fan Britte Lagcher yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Beheinde biografy fan Britte Lagcher op har eigen webside.