Bommesmiter

Ut Wikipedy
In B-52 fan 'e Amerikaanske Loftmacht fiert yn 'e Fjetnamoarloch in bombardemint fan Noard-Fjetnam út.
Northrop Grumman B-2 Spirit

In bommesmiter is in militêre fleanmasine ornearre foar it oanfallen fan grûndoelen mei bommen, torpedo's of raketten.

Skiednis[bewurkje seksje | boarne bewurkje]

It earste bombardemint dat útfierd waard troch in fleanmasine, fûn yn 1911 plak, ûnder de Italjaansk-Turkske Oarloch, doe't in Italjaanske piloat bommen útsmiet boppe Osmaanske stellings yn wat no Lybje is. Yn 'e Earste Wrâldoarloch (1914-1918) waarden loftbombardeminten foar it earst op gruttere skaal ynset. Yn 't earstean waarden bommen dêrby troch piloaten mei de hân út 'e fleanmasine smiten, mar tsjin 'e ein fan 'e oarloch waarden de earste, spesjaal foar it útfieren fan loftbombardeminten ûntwurpen fleanmasines boud. Dat wie it ûntstean fan 'e bommesmiter. (Ek seppelins waarden doedestiden trouwens brûkt foar it útfieren fan loftbombardeminten.) Yn it Ynterbellum ferrûn de ûntwikkeling fan 'e bommesmiter fluch, en tsjin 'e tiid dat yn 1939 de Twadde Wrâldoarloch útbriek, wie it in klasse fleanmasines wurden dy't him dúdlik ûnderskate fan 'e fluggere en better maneuvrearbere jachtfleanmasine.

Soarten bommesmiters[bewurkje seksje | boarne bewurkje]

Strategyske bommesmiters hawwe ornaris wol in beskate foarm fan ôfwargeskut, lykas in boardkanon, mar se binne relatyf grut, en loch en traach, en net ûntwurpen om loftgefjochten mei oare fleanmasines oan te gean. Fral op yndividuele misjes binne se kwetsber foar fijannige jachtfleanmasines. As de oanwêzichheid dêrfan ferwachte wurdt, moatte strategyske bommesmiters dan ek eskortearre wurde troch eigen jachtfleanmasines, dy't de oanfallen fan 'e fijân ôfslaan moatte.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.