Boeing 747: ferskil tusken ferzjes
Mathys1995 (oerlis | bydragen) Begjintsje |
(Gjin ferskil)
|
De ferzje fan 28 feb 2019 om 11.46
De Boeing 747, ek gauris Jumbo-jet of Jumbo neamd, is in ferkearsfleanmasine fan de Amerikaanske fleanmasinebouwer Boeing. Sûnt de earste flecht op 9 febrewaris 1969 wie de 747 krapoan fjirtich jier lang de grutste passazjiersfleanmasine fan de wrâld. Mei syn karakteristike boppeferdjipping is it ien fan de meast ferneamde tastellen yn de loftfeart.
Farianten
De Boeing 747-100 wie it earste model fan de 747-famylje en waard yn 1966 oankundige. Net lang dêrnei, yn 1968, kaam de 747-200. Yn 1980 waard de 747-300 lansearre en nochris fiif jier letter de 747-400. It nijste model, de 747-8, folge yn 2005. Fan alle farianten binne ferskillende útfierings boud.
747-100
De earste 747-100's hiene in boppeferdjipping dy't as salonromte bedoeld wie. Dizze útfiering hie trije ruten oan wjerskanten. Letter, doe't loftfeartmaatskippijen ek op dizze ferdjipping graach stuollen ha woene, betocht Boeing in útfiering mei tsien ruten. De 747-100 hie motoaren fan it type Pratt & Whitney JT9D-3A. Mei-inoar binne der 168 tastellen boud. It prototype, de City of Everett, hat Boeing sels holden.