Fideo

Fideo (fan it Latynske video, "ik sjoch") is in elektroanysk medium foar filmkeunst. It is de elektroanyske tsjinhanger fan de trochsichtige filmbân. Fideo brûkt in elektroanysk sinjaal, dat digitalisearre wurde kin. Dêrmei kin fideo digitaal opslein of trochjûn wurde. Fral digitale fideo kin goed kombinearre wurde mei oare mûglikheden, lykas lûd, ûndertitels, byfoegde ynformaasje, alternative ferzjes fan de filmopnamme, ensafuorthinne. Fideo kin sa ek makkelijk tafoegd wurde oan boek-media.

Om't by de filmkeunst de termen fan it oarspronklike medium ôflaat binne, hjit in opnamme bygelyks in "filmopnamme" of in "filmke", ek at it medium fideo is.