Gegeven

Hjoed de dei moatte jo by it wurd 'gegevens' - njonken de earder bedoelde rekkengegevens - tinke oan alles dat yn kompjûterkoaden - ien-/nulkoaden - te beskriuwen is. Sa binne der byld-, lûd-, tekst- en fansels rekkengegevens.

Bygelyks in byldtriem omfettet alle kompjûterkoaden dy't nedich binne om in ôfbylding mei de kompjûter op it skerm of op de printer te setten. De basis foar de triem binne noch altyd de ien-/nulkoaden dy't al brûkt waarden doe't de kompjûter allinne noch mar yn byld wie as rekkenreau.

De eardere hurde pûnskaartsjes fan de Girotsjinst litte mei 'gatsjes/gjin gatsjes' moai sjen hoe ienfâldich ien-/nulkoaden har beskriuwe lieten yn de praktyk. By it lêzen foel troch it iene ljocht en troch it oare net en sa kaam de 'taal' fan de kaartsjes yn de kompjûter.