Raard: ferskil tusken ferzjes
omstav. |
|||
| Rigel 65: | Rigel 65: | ||
[[Kategory:Raard| ]] |
[[Kategory:Raard| ]] |
||
[[Kategory:West-Dongeradiel]] |
[[Kategory:Doarp of stêd yn West-Dongeradiel]] |
||
[[Kategory:Doarp of stêd yn Dongeradiel]] |
|||
[[Kategory:Doarp of stêd yn Noardeast-Fryslân]] |
|||
De ferzje fan 3 sep 2017 om 21.17
| |||||
| |||||
| Gemeente | Dongeradiel | ||||
| Ynwennertal (2004) | 240 | ||||
| Webstee | [] | ||||
Raard is in terpdoarp yn de gemeente Dongeradiel. Raard wurdt wolris betize mei Raerd yn it eardere Boarnsterhim. Dêrfandinne is dy tegearre mei Idaerd yn de âlde stavering litten.
Oarsprong
Raard is in âld doarp. Der wurdt tocht dat hjir al inkele iuwen foar it begjin fan de jiertelling minsken wenne hawwe.
De terp is foar in part ôfgroeven. Oan de noardkant, by de om 1870 hinne oanleine Van Kleffenswei nei Lichtaard, is dat hiel dúdlik te sjen. Der kaam sa romte foar in iisbaan.
Namme
Raard kin ferskate betsjuttings hawwe: it kin 'reade terp' betsjutte; oaren tinke oan it âlde Fryske wurd 'hrriäd' dat yn it Nijfrysk 'reid' betsjut: 'reidterp'. In mooglikheid is ek Runwerd, wat 'beskutting tsjin it rinnende wetter' betsjutte kinne soe. It soe ek noch kinne dat de namme ôflaat is fan it wurd 'rad' dat folksgearkomst betsjut. Dat soe der op wize kinne dat der in âlde tiden rjocht sprutsen is yn Raard.
Tsjerken
Herfoarme tsjerke
De tsjerke wie wijd oan Jehannes de Doper. De toer is yn 1807 boud. De tsjerke sels is romaansk en moat yn de 13e iuw boud wêze. It koar is it âldste part. Yn'e tsjerke lizze grêfsarken en op it tsjerkhôf is in sark út 1662 fan Eelco Clasen toe Spryens. De Raarder tsjerke is oerdroegen oan de Stifting Alde Fryske Tsjerken. It is no it OerKa Museum wurden. De keunstneresse Irene Verbeek brûkt it foar it eksposearjen fan har wurk.
Grifformearde tsjerke
De Marthatsjerke fan 1916 is in ûntwerp fan Ane Nauta.
It doarpswapen en -flagge
Yn it doarpswapen komt it symboal fan de patroanhillige foar. De letter W en it klaverblêd binne oernommen út it wapen fan de famylje van Kleffens. De streek troch it wapen en de flagge tsjut oan dat Raard tsjin de grins fan de gemeente oan leit.
De famylje van Kleffens
Oan de dyk nei Lichtaard lizze twa monumintale pleatsen, de Noard en de Súd Kleffens. De Van Kleffens hawwe lang foar master opslein yn Raard. Sawol yn it doarp as de gritenij spilen se net swak by. Letter hawwe se ek in rol yn Dokkum hân. Under de Dokkumer boargemasters en wethâlders wie gauris in Van Kleffens. Eelco Nicolaas van Kleffens waard minister fan Bûtenlânske Saken yn it kabinet-Gerbrandy.
Mienskip
It doarpshûs hjit de 'Nije Pôle', it wurdt brûkt troch de feriening foar Doarpsbelang Boarnwert/Raard. 'Bernewird' is de basisskoalle fan Raard.
Op 1 jannewaris 2013 waard de mienskip fan Raard troffen troch in slim ûngemak. Yn it tsjuster fan 'e nacht botste in auto op de minsken by de nijjiersbrân. Sa'n 13 minsken rekken ferwûne, dêr't ien fan yn it sikehûs ferstoar.
Befolking
Ferskaat
- Oan de Dokkumer Ie stiet in Alvestêdebyld fan keunstner Evert van Hemert.
- De predikant en dichter François Haverschmidt, better bekend ûnder syn skûlnamme Piet Paaltjens, wie yn Raard predikant yn de perioade dat hy deselde funksje ek hie yn Foudgum.
Strjitten
Bannerhûs, De Buorren, De Tange, It Fintsje, Lindeleane, Lytse Buorren, Spriens, Van Kleffenswei.
