Siebe Jan Bouma

Grafysk Museum yn Grins, dat yn 1928/1929 as legere skoalle boud waard (Foto: 2009)

Transformatorhúske yn ekspresjonistyske styl oan de Esserhaag yn Grins, boud yn 1931 (Foto: 2009)

Siebe Jan Bouma (Grins, 23 maart 1899 - De Haach, 10 desimber 1959) wie in Nederlânske arsjitekt en stedeboukundige.

Libben en wurk

Bouma wie earst timmerman (1919) en boukundich tekener (1920) foar de gemeente Grins, mar waard dêre letter stedsarsjitekt, oant 1942. Hy ûntwurp in protte grutte en lytse gebouwen (fan transformatorstasjons oant skoallen, fan lantearnpeallen oant in plysjeburo).

Bouma syn ûntwerpen litte in foarkar sjen dy't de kant fan de Amsterdamske Skoalle en kubisme útskaait. Hy hat direkteur west fan it Nederlânsk Iepenloftmuseum yn Arnhim, it Suderseemuseum yn Inkhuzen en hy wie de stedeboukundich ûntwerper/arsjitekt fan Madurodam. De eardere tv-presintator Bob Bouma wie syn soan en earder aktrise Maya Bouma en kabaretêre Annelies Bouma wienen dochters fan S.J. Bouma.

• 
  Brêgewachtershûske by de Abrêge (om 1925) yn Grins (2011)
• 
  Van Hasseltskoalle (1926-'28), Grins (2010)
• 
  Vensterschool Stadspark (1927), Grins (2010)
• 
  Muzykkoepel (1928) yn it Grinzer stjerrebosk (2009)
• 
  De Siebe Jan Boumaskoalle (oant 2001: Van Houtenskoalle (OBS Oosterpark)) (1931-'32) yn Grins (2010)
• 
  Wenningboukompleks yn de styl fan de Delftse Skoalle (1937) yn Grins (2010)

Sjoch ek

• Nederlânske Arsjitekten

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Siebe Jan Bouma fan Wikimedia Commons.