Ferlossertsjerke (Kopenhagen)

Tsjerke fan de Ferlosser

De Ferlossertsjerke (Deensk: Vor Frelsers Kirke) is in barokke tsjerke yn de Deenske haadstêd Kopenhagen. De karakteristyke toer hat in swarte spits mei fergulde dekoraasje en in trep dy't tsjin de klok yn om'e spits hinne rint.

De Ferlossertsjerke waard yn de jierren 1682-1696 ûnder lieding fan de yn Noarwegen berne arsjitekt Lambert van Haven boud. It gebou folget de styl van de Nederlânske barok en hat de foarm fan in gryksk krús. Jierren letter, yn 1752, waard troch de arsjitekt Laurids de Thurah de toer tafoege. De ynspiraasje foar de spits fûn de arsjitekt yn de Sant'Ivo alla Sapienza te Rome, dy't in soartgelyke toer hat.

Yn'e toer fan de Ferlossertsjerke hinget it grutste klokkespul fan Skandinaavje. Ien fan harren klokken waard troch Deenske soldaten as oarlochsbút út it Sweedske Vänersborg meinommen.

Besikers kinne oer 400 trêden de toer beklimme, oer de lêtste 150 trêden moat men bûten om de spits hinne rinne. Boppe op de toer stiet in fjouwer meter heech ferguld byld fan de opstiene Kristus.

It alter fan Nicodemus Tessin en it grutte oargel mei 57 registers binne it besjen wurdich.

Ofbylden

• 
  Kânsel
• 
  Alter
• 
  Oargel
• 
  Doopkapel
• 
  De trep fan de toerspits

Keppeling om utens

• (dn) Side fan de Ferlossertsjerke, Kopenhagen

Boarnen, noaten en referinsjes

Boarnen, noaten en/as referinsjes:

http://www.vorfrelserskirke.dk/historie Commons Wikimedia Commons  Ofbylden dy't by dit ûnderwerp hearre, binne te finen yn de kategory Ferlosserstsjerke fan Wikimedia Commons.