Sint-Agathatsjerke (Aldegea)

Sint-Agatatsjerke

De Sint-Agatatsjerke is in tsjerkegebou oan de Buorren yn Aldegea. gemeente Smellingerlân.

De tsjerke wie oarspronklik wijd oan Sint-Agata. De ienbeukige tsjerke út de 12e ieu krige om 1250 hinne oan de westside in romaanske toer. wêrfan de spits yn 1888 ferfongen waard troch in tintedak. De romte ûnder de toer waard yn de 16e ieu brûkt as finzenis. Yn de toet hinget in klok út de 14e ieu en in klok út 1949. It goatyske koar is grif út de 14e ieu en de koarsluting út 1599. Yn 1717 krige de tsjerke rûnbôgefinsters mei brânskildere glês. Yn 1875 waarden de muorren ferhege. By in restauraasje yn 1921, nei plannen fan G.J. Veenstra, krijt de noardside wer in romaanske yndieling en wurdt in houten tongewelf oanbrocht, dat troch J.Por ornamintsrânen krijt. Yn de stjerke in preekstoel en in hearebank út de 17e ieu en alve rouboerden út de 18e ieu. It oargel út 1875 is boud troch L. van Dam en Soannen en útwreide (1921) troch Bakker & Timmenga. De tsjerke is in ryksmonumint.

Tsjerke

Sjoch ek

• Tsjerken yn Fryslân

Boarnen, noaten en referinsjes

Boarnen, noaten en/as referinsjes:

Stenvert, Ronald [et.al.] (2000) Fryslân. Monumenten in Nederland, diel 6. Zeist: Rykstsjinst foar de Monumintesoarch / Swol: Waanders. ISBN 90 400 9476 4 Stichting Alde Fryske Tsjerken: Aldegea (Sm), tsjerkebeskriuwing

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Sint-Agathatsjerke (Aldegea) fan Wikimedia Commons.