Bedum (plak): ferskil tusken ferzjes

←Toan eardere ferskillen Neikommende ferskillen →

De ferzje fan 20 jun 2015 om 18.42

Bedum (Grinslânsk: Beem) is it haadplak fan de lykneamde gemeente yn Grinslân. It doarp leit ûngefear 10 km ten noarden fan de stêd Grins en leit oan it spoar spoar Grins - Delfsyl en oan it Boterdiep. Bedum hie yn 2013 8.565 ynwenners yn it doarp en rom 10.000 yn de gemeente.

Tsjerken

De hjoeddeiske herfoarme Walfridustsjerke waard yn de 11e ieu stichte as beafeartstsjerke fan Sint-Walfridus, dy't yn Bedum libbe hawwe soe en troch de Noarmannen fermoarde wêze soe. Opfallend oan de tsjerke is de skeane 11e ieuske toer yn romaanske styl. Dizze toer stiet skeaner as dy fan Pisa: hy hinget 4,18°^[1] út it lead versus de 3,97° fan Pisa. Hy is yn elts gefal de skeanste fan Nederlân. Yn de 15e ieu waard de tsjerke fergrutte ta in twaboekige goatyske hallentsjerke, dy't yn de 16e ieu útwreide waard mei in grut koar mei omgong foar it kapittel fan de tsjerke. Nei de Reformaasje is de tsjerke swier skeind, ûnder mear troch sloop fan it koar en ferleging fan de noarderboek. Yn de Midsieuwen hie Bedum noch in beafeartstsjerke, wijd oan Sint Radfridus, de soan fan Walfridus. Fan dizze tsjerke is boppe de grûn neat oer. De roomsk-katolike tsjerke Us Leaffrou Himelfeart is in ienboekige krústsjerke yn neogoatyske styl, boud yn 1880-1881 nei ûntwerp fan Alfred Tepe. De grifformearde Noardertsjerke út 1938 waard ûntwurpen troch arsjitekt Egbert Reitsma yn tradysjonalistyske styl.

De herfoarme Walfridustsjerke
De katolike Marije ten Himelopnimmingtsjerke
De grifformearde Goede Hardertsjerke
Alde gemeentehûs
Brêge Giele Klap
Ien fan de fjouwer dûbele arbeiderswenten oan it plantsoen oan de Walfridusleane
De grutte grifformearde Skoalle mei de Bibel
Roukapel op it katolike begraafplak
Huzen yn nijbouwyk Ter Laan 4 sjoen oer it Boterdiep
Pleats Alma op it stee fan de eardere heerd Alma