Syds Skeltes Tjaerda

Syds Scheltes Tjaerda (Rinsumageast, ein 15de ieu - 13 desimber 1546) wie in edelman.

Nei Jancko Douwama wie Syds Tjaerda 25 jier de lieder fan’e plattelâns-Friezen, dy’t tsjin Karel V strieden foar harren âlde rjochten. Hy wie Olderman fan Dokkum, grytman fan Dantumadiel en lid fan Deputearre Steaten fan Fryslân. Hy fertsjintwurdiget de goede Fryske edelman út dy tiid (karakteradel), frommens, earbied foar geleardheid, ôfkar fan idele preal, ienfâld). Tjaerda keart him tsjin de sintralisaasjedrang fan Karel V en easket as fanâlds: de Steaten meie gearkomme, at se dat wolle; de Friezen meie harren eigen geastliken kieze.

Boarnen, noaten en referinsjes

Boarnen, noaten en/as referinsjes:

Brouwer, J.H., J.J. Kalma, W. Kok, en M. Wiegersma, red., Ensyklopedy fan Fryslân, (Amsterdam: Elsevier, 1958) Syds Tjaerda.