Boelensloane: ferskil tusken ferzjes

←Toan eardere ferskillen Neikommende ferskillen →

Content deleted Content added

Inline

De ferzje fan 9 jan 2014 om 13.45

Boelensloane


Flagge	Wapen

Gemeente

Achtkarspelen

Ynwennertal (2008)

1143

Webstee

[]

Boelensloane is in doarp yn de gemeente Achtkarspelen, súdwest fan Surhústerfean. It doarp is in de 19e ieu ûntstien as buorskip op de Feanster Heide by Surhústerfean. De befolking libbe earder fan de turfwinning. De hûzen hearden doe ûnder Surhústerfean en der waard sprutsen fan de 'Feanster heide'. Der wie doe in soad earmoede en de ynwenners wienen meast sosjalist. De earmsten wennen yn plaggehutten en wâldhúskes. Letter hat der altyd metaalyndustry west.

Skiednis

Yn 1240 stifte hear Gerricus of Gercke Harckema it kleaster "Jeruzalim" dêr't no Gerkeskleaster leit. Dit kleaster spile in grutte rol by de lettere ferfeantings besuden Surhuzum. De hearen Van Voort sleaten in kontrakt mei Jeruzalim om nei 1576 fjirtich jier lang turf grave te meien. It betsjutte it ûntstean fan Surhústerfean dat earst Surhusterfeanster heide of Feansterheide neamd waard en letter Boelensloane.
Sûnt 1714 is der sprake fan bewenning fan de heide. Om 1725 wurdt in Boelens neamd, dy't oan de Folgeren feante en grif de nammejouwer fan it doarp west hat. De sânreed nei de heide waard de Boelensleane neamd. In oare mooglike ferklearring fan de namme is it ferneamen fan it foarname laach dat trije grytmannen levere yn de 17e ieu. De famylje wenne oan de Blauhústerwei op it steed fan it tsjintwurdige 'Blauhûs' by de ôfslach nei Boelensloane. Nei 1810 waard der minder feante op de Feansterheide en kaam de net yn kultuer brochte heide (wer) foar it ljocht. De bewenners setten har mear en mear ta wenjen yn in heidedoarp dat bestie út spitketen en hoalen. De fersprate bebouwing út 1844 groeide letter út nei it doarp dat sûnt 1920 Boelensloane hjit. Om 1960 is besocht om de namme om te setten yn Boelensfean, mar dat is der net fan komd.

Doarpswapen en flagge

Boelensloane ûntstie yn de tiid fan de turfwinning. It wapen is keperfoarmich trochsnien fan readen goud, mei oer alles hinne kruse twa stikken turfstekkersark: in stekker en in oplizzer mei de stâle nei ûnderen ta; in griene skyldfoet beladen mei in sulveren roas. It read ferwiist nei de heide en de striidberens fan de befolking, wylst it goud de sângrûn foarstelt. De griene skyldfoet is in ferwizing nei De Wâlden. De rioas hjiryn is ûntliend oan it famyljewapen Boelens.

Mienskip

It doarp hat likernôch 1.143 ynwenners en 492 huzen (2010). Troch de nijbou hat it doarp dat benammen bestiet út streekjes huzen en fersprate bebouwing wat mear in buorren krigen. Der is in kristlike skoalle De Stile en in iepenbiere Jan van Zuilenskoalle. De doarpskrante van Boelensloane is 'Nijs fan 'e Loane'.