De Lawei (teater)

De Lawei is it teater, skouboarch en kultureel sintrum oan de Boargemaster Wuitewei yn Drachten.

Oan dizze side wurdt noch wurke! Fier hjir asjebleaft gjin bewurkings út oant de skriuwer mei de side klear is.

Doe't Drachten yn de jierren fyftich begûn te groeien, mei troch de komst fan Philips,waard yn 1955 in stifting oprjochte om in kultureel sintrum op te setten. Op 20 maaie 1960 waard De Lawei feestlik iepene. In lawei of 'lavei' wie foar de feanarbeiders de tiidwizer en waard wol de 'klok fan it fean' neamd.
It gebou De Lawei hie in romme foyer en boppeseal, yn 1972 kaam der in repetysjeromte, kantoaren en ekstra klaaikeamers foar de Noorder Compagnie. Fierders is der in grutte binnentún. Ek de muzykskoalle waard útwreide en der kaam in romte foar eksposysjes by. Earste direkteur wie oant 1 juny 1962 J.W. van Zanten, dêrnei naam Roel Oostra it oer.

Yn 1984 folge in grutte útwreiding mei help fan arsjitekt Abe Bonnema. Ynearsten wienen der fjouwer beropsfoarstellings, yn seizoen 1962-1963 acht, in 1965-1966 tolfe, yn 1987-1988 130 en yn 2010 mear as 250. Der binne foarstellings foar begjinnede kabaretiers oant grutte musicals lykas dy fan Joop van den Ende. De Lawei groeide fan in kultureel sintrum nei in skouboarch fan lokaal, regionaal en lanlik belang.

Keppeling om utens

• Hiemside fan De Lawei

Boarnen, noaten en referinsjes

Boarnen, noaten en/as referinsjes:

G. Abma, Kl. Jansma en oaren (red.), Encyclopedie van het hedendaagse Friesland, Ljouwert: M.A. van Seijen 1975, Lawei, De.