Tjede Peckes

Tjede Peckes (* om 1500 yn Padingbüttel-Oberstrich - Wremen-Wremer Tief, 23 desimber 1517 ) wie in Wûrtfryske findeldraachster.

Se waard berne yn it jier 1500 yn Padingbüttel-Oberstrich as dochter fan in grûnbesitter. Peckes wie lid fan in Frouljubeweging. De leden seagen harsels as folgelingen fan hillige Marije en de hillige Katarina, mar fersetten har as protest tsjin de tsjerke, om it kleaster yn te gean. (In soad jonge froulju gienen destiids yn it kleaster, as se gjin man fûnen of gjin sicht op wurk hiene.) Se bleaunen net-troud, om oan it politike libben meidwaan te kinnen. Sa wurke ek Tjede Peckes mei yn de Wurster boererieden.

Doe't de Würster Friezen har oan de ein fan 1517 fersetten tsjin de opjeften fan de Bremer aartsbiskop Kristof fan Braunschweig-Lüneburg, stjoerde dy in grut leger fan hierlingen, om de opstân del te sabeljen. Nei ferbittere gefjochten kaam it ta de Slach oan it Wremer Djip. Dêrby stelden har – neist manlju – ek in groep fan sirka 500 fammen en froulje op tsjin de Bremer oermacht. Peckes droech it findel fan de Friezen, dêr't in ôfbyld fan de deade op stien hawwe soe. Op 23 desimber foel Tjede Peckes, doe't se oanfallen waard troch in soldaat mei in swurd,sy wie doe santjin jier.

Keizer Maksimiliaan I betreure letter har dea en foarsei dat se it in begjin foar grutte en wichtige generaasjes wurde koe.

Ferskaat

• Nei Tjede Peckes, dy't yn it Lân Wûrsten ek as Jeanne d'Arc fan it noarden beskreaun waard, waard in basiskoalle yn Wremen neamd.
• Op it Wremer Djip is op 27 jannewaris 2007 in plakette foar Peckes ûntbleate. De seremoanje waard yn it Nederdútsk hâlden.

Boarnen, noaten en referinsjes

Boarnen, noaten en/as referinsjes:

Tjede-Peckes-Grundschule It byld fan Tjede Peckes yn it Dykmuseum Dorum