Rijsenburg

Sint Petrus' bandentsjerke

It Wapen fan Rijsenburg

Poartegebou

Rijssenburg

Rijsenburg is in earder doarp dat sûnt 1931 diel útmakket fan de eardere gemeente Driebergen-Rijsenburg yn de provinsje Utert. De gemeente Driebergen-Rijsenburg is per 1 jannewaris 2006 gearfoege mei Amerongen, Doorn, Leersum en Maarn ta de nije gemeente Utrechtse Heuvelrug.

De gemeente Rijsenburg is yn 1818 losmakke út Driebergen. Sûnt 1850 wiie de boargemaster fan Driebergen ek boargemaster fan Rijsenburg, oant de gearfoeging yn 1931. Rijsenburg wie sa goed as in enklave ynskluten troch Driebergen en besloech nei de gearfoeging 1/13e diel fan it grûngebiet fan Driebergen-Rijsenburg.

Hûs Rijsenburgh

Mei de bou fan in wentoer yn de trettjinde ieu is Rijsenburg ûntstien. Yn 1536 wie dizze wentoer útgroeid ta in boarcht en waard Rijsenburg as ridderhofstêd erkend. Om 1800 waard dit kastiel, mei útsûndering fan it poartegbou út 1635 ôfbrutsen.

It poartegebou is yn 1985 restaurearre. It rjochthoekige gebou is makke fan bakstiennen en hat in mei pannen dekt skylddak. De poartetrochgong hat in flakke, houten soudering. De poartedoar is fan ikehout.

Efter it poartegbou stuiet in pleats, dy't om 1850 boud is op de f6uneminten fan in eardere pleats. De kelder hat in stenen tongewelf út de Midsieuwen.

Tsjerkeplein

De Rooms-Katolieke Sint Petrus’ bandentsjwerke is yn 1810 boud troch de arsjitekt Adrianus Tollus yn opdracht fan ambachtshear Petrus Judocus fan Oosthuyse, as ûnderdiel fan in hielendal nij doarp, 2 km fan it doe al net mear besteande kastiel Rijsenburg. De tsjerke komt út de napoleontyske tiid en is de ienige tsjerke yn Nederlân dy't boud is yn Empirestyl. By de tsjerke waarden wen- en koetshuzen boud yn in heale sirkel. Yn 1813 waard foar de tsjerke oer it loazjemint it Wapen fan Rijsenburg boud. Dit unike tsjerkeplein hat de status fan in beskerme doarpsgesicht.