Niger

Republique du Niger

Flagge Wapen
Offisjele taal	Frânsk
Haadstêd	Niamey
Steatsfoarm	Republyk
Ynwenners (2000)	10 miljoen
Munt	CFA-frank (XOF)
Tiidsône	UTC +1
Nasjonale feestdei	3 augustus
Lânkoade	NER
Ynternet	.ne
Tillefoan	227

Niger is in lân yn Afrika. De haadstêd is Niamey.

Geografy

Lizzing

It lân wurdt begrinzge troch:

• Algerije en Lybje yn it noarden;
• Tsjaad yn it easten;
• Nigearia en Benyn yn it suden;
• Bûrkina Faso en Maly yn it westen.

Lânskip

Twa-tredde part fan Niger is ûnderdiel fan de Sahara. Yn it suden en súdeasten leit de Sahel. De rivier de Niger streamt 650 km troch it súdwesten fan it lân, it is de tredgrutste rivier fan Afrika.

Skiednis

• 1895 - Niger wurdt in kolony fan Frankryk.
• 1960 - Unôfhinklik fan Frankryk.
• 1974 - De foarste presidint fan Niger, Hamani Diori, moat nei in militêre steatsgreep fuort omdat er fertocht is fan korrupsje.
• 1974-1989 - Niger wurdt bestjoerd troch in militêr rezjym.
• 1989-1996 - Niger is in demokratysk lân mei in grûnwet.
• 1996 - Militêren dogge in nije steatsgreep.

Demografy

Befolking

De befolking fan Niger is ûnderferparte yn ferskate etnyske kloften, te witten: de Hausa (55,4%), Songhay (21%), Touarek (9,3%), de Fulany of Fulbe (8,5%), de Kanury (4,7%) en oare kloften. It grutste part fan de befolking wennet yn de fallei fan de rivier de Niger.

Religy

De islam is de dominante godstsjinst, 80% fan de befolking wurdt ta dit leauwen rekken. It lân is sûnt de oprjochting yn 1969 lid fan de Organisaasje fan de Islamityske Konferensje (OIC). It kristlike part fan de befolking wenje fral yn de omkriten fan Doutchy.

Talen

It Frânsk is de offisjele taal fan Niger. De wichtige eigen talen dy't sprutsen wurde binne it Hausa, Djerma, Tamajak en Fulfulde.