Harkemaske Boys: ferskil tusken ferzjes
Luckas-bot (oerlis | bydragen) L r2.7.1) (Bot - derby: af:Harkemase Boys |
Groucho NL (oerlis | bydragen) L WPCleaner v1.23 - Square brackets not correct end - Arrow as ASCII art (Fixed using Wikipedy:WikiProject Check Wikipedia) |
||
| Rigel 371: | Rigel 371: | ||
*[[1 jannewaris]] [[2011]]-[[28 maart]] [[2011]] {{Flagge NL}} [[Peter Meindertsma]] |
*[[1 jannewaris]] [[2011]]-[[28 maart]] [[2011]] {{Flagge NL}} [[Peter Meindertsma]] |
||
*[[28 maart]] [[2011]]-[[27 jannewaris]] [[2012]] {{Flagge NL}} [[Wieb Rodenhuis]] |
*[[28 maart]] [[2011]]-[[27 jannewaris]] [[2012]] {{Flagge NL}} [[Wieb Rodenhuis]] |
||
*[[5 desimber]] [[2011]- no {{Flagge NL}} [[Robert Herder]] (ynterim) |
*[[5 desimber]] [[2011]]- no {{Flagge NL}} [[Robert Herder]] (ynterim) |
||
}} |
}} |
||
| Rigel 388: | Rigel 388: | ||
{{boarnen|boarnefernijing= |
{{boarnen|boarnefernijing= |
||
<references/> |
<references/> |
||
* [http://www.harkemaseboys.nl/pages/home.aspx Algemeen |
* [http://www.harkemaseboys.nl/pages/home.aspx Algemeen → Historie], offisjele hiemside Harkemase Boys (sjoen op 15 novimber 2010)</ref> |
||
}} |
}} |
||
De ferzje fan 23 jan 2013 om 17.20
| v.v. Harkemase Boys | |
|---|---|
| Basis ynformaasje | |
| Namme | v.v. Harkemase Boys |
| Oprjochte | 26 juny 1946 |
| Stadion | Sportpark de Bosk |
| Kapasiteit | 5.000 |
| Klupkleuren | Read en wyt |
| Foarsitter | Pieter Spinder |
| Trener | Robert Herder (ynterim) |
| Kompetysje | Topklasse |
Fuotbalferiening Harkemase Boys mei as bynamme De Harrekiten, is in fuotbalferiening fan De Harkema. De fuotbalferiening waard stifte op 26 juny 1946 en spilet sûnt 2010 yn de nije sneons Topklasse, it heechste amateurnivo fan Nederlân. Dêrfoar spile de klup sûnt 1997, mei útsûndering fan it seizoen 2007/2008, yn de Haadklasse C, wat oant 2010 it heechste amateurnivo fan Nederlân wie. De Harkemase Boys spylje harren thúswedstriden op it Sportpark de Bosk.
Yn 2003 waarden de Harkemase Boys foar it earst kampioen yn de Haadklasse C. It meast súksesfolle seizoen út de klupskiednis wie it seizoen 2008/2009, wêryn de klup kampioen waard fan de Haadklasse C en Distriktsbeker Noard wûn. Dy lêste priis waard ek yn 2006, 2007 en 2011 wûn.
Skiednis
Stifting en earste jierren (1946 - 1952)
De fuotbalferiening Harkemase Boys waard stifte op 26 juny 1946 by in gearkomste fan fuotballeafhawwers yn de naaiskoalle oan de Tsjerkestrjitte yn De Harkema. Dêrfoar wie al besike om yn it doarp in fuotbalferiening te stiften dy't op sawol sneons as sneins spylje soe. Dit slagge lykwols net omdat by de gearkomste hjir oer net genôch foarstanners fan it saterdeifuotbal oanwêzich wienen, mei in advertinsje yn de regionale krante De Feanster wurdt der al genôch animo fûn foar in sneonsferiening.
Oars as in soad oare sneonsferienings hawwe de Harkemase Boys gjin leauwige ynslach.
Al gau nei de stifting fan de Harkemase Boys binne der súksessen. Der wurdt begûn yn de Twadde Klasse FVB, wêryn twa kear efter elkoar it fjirde plak behelle wurdt. Yn it tredde jier nei de stifting, it seizoen 1948/1949 wurdt de klup foar it earst kampioen, wêrtroch de Boys promovearje nei de Earste Klasse FVB. Nei in tredde plak yn it earste jier yn de Earste Klasse einichje de Harkemase Boys it seizoen dêrnei op it heechste plak, sûnder in wedstriid te ferlieze. De klup slagget der lykwols net yn te promovearjen, omdat de promoosjewedstriden tsjin DWP fan Sint Jansgea net wûn wurde. Mar yn it tredde seizoen yn de Earste Klasse, fuotbaljiergong 1951/1952, slagget de klup der lykwols al yn om te promovearjen. Yn de kompetysje einiget de klup wer boppe oan en yn de promoasjewedstriden tsjin Makkum binne de Harkemase Boys de sterksten.
Haadklasse (1997 - 2010)
Yn 1997 wurde de Harkemase Boys mei ien punt foarsprong op ONS Snits kampioen fan de Earste Klasse E, wêrtroch de klup foar it earst promovearret nei de Haadklasse C. It op dat stuit heechste fuotbalnivo fan Nederlân. De Harkema wit him de neikommende jierren goed stân te hâlden yn dy klasse. Mei trije 7e plakken en in 8e plak docht de ploech yn de earste fjouwer jier knap mei yn de middenmoat fan de Haadklasse. Nei in dip yn it seizoen 2001/2002, Harkema wurdt 11e, makket de feriening it seizoen dêrop it oant dat stuit bêste jier út de skiednis troch. Under trener Sjoerd Jan Eppinga wurdt de klup yn Wezep tsjin WHC kampioen yn de Haadklasse C. Yn it Algehiel Amateurkampioenskip kinne de Boys gjin fúst meitsje, mei trije likespullen en yn nederlaach is Harkema de minste yn in poel fan trije.
Yn de jierren nei dit kampioenskip bliuwe de Harkemase Boys meidwaan yn de top en subtop fan de Haadklasse C, mar yn it seizoen 2006/2007 giet it op de kop ferkeard. In tige rûzich jier, wêryn de klup trije treners, Willem Weening, Fritz Korbach en Pieter Bijl, ferslyt, wurdt mei in 13e plak yn de kompetysje ôfsletten, wat direkte degredaasje nei de Earste Klasse E betsjut. Yn de Earste Klasse blike de Harrekiten ûnder de nije trener Henk de Jong fiersten te sterk foar de konkurrinsje. Mei 60 punten (20 oerwinnings en 2 kear ferlern) en in doelsaldo fan 87 doelpunten foar en 22 tsjin wurde de Boys mei 19 punten foarsprong kampioen. De Harkemase Boys keare sadwaande nei ien jier ôfwêzigens alwer werom op it heechste nivo. Njonken it kampioenskip yn de Earste Klasse E kinne de Harkemase Boys ek foar it earst de Distriktsbeker Noard op de earelist byskriuwe.
Werom yn de Haadklasse C sette de Boys de goeie prestaasjes dy't it jier dêrfoar al ûnder trener Henk de Jong ynsetten wie troch. Mei oermacht, in foarsprong fan 11 punten, wurde de Harrekiten kampioen. Opfallend genôch wurdt de klup ek dizze kear kampioen yn Wezep tsjin WHC. Yn de striid om it Algehiel Kampioenskip komme de Boys út tsjin oare sneons Haadklassekampioenen, Rijnsburgse Boys en IJsselmeervogels. Ek dizze kear kinne de Harkemase Boys net op tsjin it geweld út de Haadklasse A en B. Mei ien oerwinning en trije nederlagen wurde de Boys lêste yn de poel. Lykas it jier hjirfoar winne de Harkemase Boys ek dit seizoen de striid om de Distriktsbeker Noard.
Fuotbaljiergong 2009/2010 stie foar de Harkemase Boys yn it ramt fan promoasje nei de nij te foarmjen Topklasse. Mei in 2e plak yn de kompetysje slagge de klup hjir ryklik yn.
Topklasse (2010 - no)
De Harkemase Boys is ien fan de 32 fuotbalferienings dy't yn it earste jier fan de Topklasse útkomt. De Boys foarmje de ienichste feriening út Frysân dy't yn de earste twa jier yn dizze klasse spilet.
KNFB Beker
De Harkemase Boys hawwe yn it ferline ferskate kearen mei dien oan de KNFB beker foar proffesjonele fuotbalklups. De earste kear wie yn it seizoen 1999/2000, doe't de Harkemase Boys yndield waarden yn in poel mei de profklups SK Cambuur Ljouwert en FC Emmen en amateurferiening FF Snits. De Harrekiten slaggen der lykwols net yn by de earste twa te einigjen om troch te gean nei de folgende omgong. Ek yn de bekerkompetysje fan 2001/2002 komme de Boys net troch de poelomgong. Sûnt it seizoen 2003/2004 is de poelomgong skrast út it skema fan de KNVB Beker. Yn de earste omgong dat jier komme de Harkemase Boys út tsjin WHC, mar dy binne yn De Harkema te sterk. It jier dêrop spylje de Harkemase Boys yn de earste omgong út tsjin De Graafschap, de klup út de Efterhoek is mei 4-0 te sterk foar de Harrekiten. Ek yn it seizoen 2005/2006 (Vitesse), 2006/2007 (Argon) en 2007/2008 (RKVV Roosendaal) wurde de Harkemase Boys al yn de earste omgong útskeakele. Yn de KNVB Beker fan 2009/2010 komme de Boys foar it earst troch de earste omgong hinne nei in oerwinning op RKSV Groene Ster út Heerlerheide. Foar de twadde omgong wurde de Harkemase Boys keppele oan Earedivyzjeklup Feyenoord. Thús op Sportpark de Bosk ferlieze de Boys foar it each fan 5.500 taskôgers mei 0-5, de wedstriid waard rjochtstreeks op tillevyzje útstjoerd. Yn de bekerkompetysje fan 2011/2012 moasten de Boys yn de twadde omgong thús tsjin betellefuotbalklup Willem II út Tilburch. Nei ferlinging wûn Harkemase Boys mei 4-2. In de tredde omgong waarden de Boys koppele oan SK It Hearrenfean. Yn it Abe Lenstra stadion wie de thúsklup op 25 oktober 2011 mei 6-1 te sterk.
Ploegen
Senioaren
De Harkemase Boys hawwe fiif senioare-alvetallen. De haadmacht fan de klup spilet yn de Topklasse, it tredde nivo fan Nederlân. It twadde komt yn de reserve 1e klasse A út, it tredde yn de reserve tredde klasse D, it fjirde yn de reserve tredde klasse E en it fiifde yn de reserve 5e klasse I.
Froulju
De feriening hat ien frouljusenioarenalvetal. Dizze ploech komt út yn de 5e klasse J.
Junioaren
De feriening hat yn totaal 14 jongereinploegen. Besteande út 3 F-ploechkes, 5 E-ploechkes (wêrfan ien famkesploech) en 2 D-ploeckhkes. De C's, B's en A's besteane allegear út ien alvetal. De C's komme út yn de 3e klasse R, de B's yn de 2e klasse L en de A's yn 2e klasse L.
Dêrnjonken binne der de saneamde 'miny-pupillen'. Ploechjes besteande út bern fan 5 en 6 jier. Dizze bern meie noch net útkomme yn kompetysjeferbân, mar kinne sadwaande al mei it fuotbal yn kontakt komme.
Akkommodaasje
De Harkemase Boys spylje harren thúswedstriden op it Sportpark de Bosk. Hjir stiet in stadion dat plak jout oan 5.000 minsken. It stadion hat in sittribune oan de westkante fan it fjild, hjir binne 450 oerdekte sitplakken. Oan de eastkante stiet in oerdekte steantribune, dy't plak jout oan 2.500 minsken. It kluphûs stiet njonken it haadfjild. It is yn 2005 ferboud en hat de namme 'Dyksicht' krigen.
Al in skoft binne hja dwaande oer de oanlis fan in keunstgersfjild op Sportpark de Bosk. Der is lykwols gjin mearheid yn de gemeenterie fan Achtkarspelen fûn om hjir jild foar frij te meitsjen.[1]
Earste alvetal
Seleksje 2011-2012
|
|
Technyske staf
- Haadtrener
- Robert Herder (ynterim)
- Assistint trener
- Willem Weening
- Ploechlieder
- Haaye Hoeksema
- Wersteltrener
- Konrad Ongersma
- Doelmannetrener
- Etienne Stomp
Prestaasjes
Kompetysje
De Harkemase Boys spylje sûnt it seizoen 1946/1947 yn kompetysjeferbân. De resultaten sûnt dat seizoen steane yn ûndersteande tabel:[2]
|
|
|
|
Earelist
Saterdei haadklasse C (2×)
- 2003, 2009
Saterdei earste klasse E (2×)
- 1997, 2008
Twadde klasse (1×)
- 1975
Tredde klasse A (3×)
- 1956, 1987, 1994
Fjirde klasse C (1×)
- 1955
Eearste klasse FVB (2×)
- 1951, 1952
Twadde klasse FVB (1×)
- 1949
Distriktsbeker Noard (3×)
- 2006, 2007, 2009, 2011
Klaaiïng
De klupkleuren fan de Harkemase Boys binne read mei wyt. Dizze kleuren komme ek werom yn de klaaiïng fan de ploegen. De klaaiïng bestiet út in read shirt, wite broek en reade sokken.
Supportersferiening
De Supportersferiening fan de Harkemase Boys waard stifte op 20 febrewaris 1970. Mei likernôch 500 leden is it ien fan de grutste supportersferienings yn it amateurfuotbal.[3] De oanhing fan de Harkemase Boys wurdt ek wol "De Dyk" neamd.[4]
De feriening hâldt harren dwaande mei de organisaasje fan aktiviteiten, wêrûnder bingojûnen en famyljedagen, foar de oanhing en finansjele stipe foar de fuotbalklup sels. Ek is de supportersferiening ferantwurdlik foar de ferkeap fan de fanartikels.
Om thúswedstriden hinne wurdt it programboekje 'De Aftrap' fergees fuort jûn. Acht kear yn it jier wurdt it klupblêd 'Fûgelkamp Nijs', mei dêryn ûnder oare ynterviews, wedstriidferslagen en nijs oer de klup, fergees ferspraat ûnder de leden.
De oanhing fan de Harkemase Boys hawwe de bynamme De Dyk.[5]
Sponsers
De Harkemase Boys hawwe ien fan de grutste sakeklups yn it amateurfuotbal fan Nederlân.[6] Dizze sakeklup, de Stichting Sponsorgroep Harkemase Boys (SSHB) neamd, bestiet út likernôch 180 sponsers.[6]
Sûnt 2003 bestiet de 'Sponsorwervingcommissie'. In kommisje dy't foarme is troch de SSHB en ta doel hat it "ynteressearjen fan nije bedriuwen om harren oan te slute by de SSHB". Sûnt de stifting fan dizze kommisje is it tal sponsers waakse fan 130 yn 2003 oant goed 180 yn 2010. De kommisje wol besykje yn 2011 220 bedriuwen by de SSHB oansletten te krije.[6]
Sponsers fan de Harkemase Boys binne yndield yn in fjouwertal kategoryen, fan it wichtichst nei minst wichtich binne de katerogyren: Supersponser, Haadsponser-A, Haadsponser-B, Co-sponser en sponser. Al dizze sponsers kinne yn it sponserthús op de earste ferdjipping fan it kluphûs terjochte.
Haadtreners
De Harkemase Boys hawwe sûnt 1947 28 ferskate treners hân. Wêrfan Willem Boomsma, Arp Hiemstra en Hendrik Mozes dy't yn twa perioades wienen. Hjirûnder stiet de folsleine list fan trener sûnt de stifting fan de klup:[7]
Bekende (âld-)spilers en treners
- Tony Alberda (spiler: 2002-2007, 2010-2011)
- Anton Jongsma (spiler: 2004-2006)
- Pieter Bijl (trener: 2005-2007)
- Fritz Korbach (trener: 2006-2007)
- Henk de Jong (trener: 2007-2010)
- Martijn Barto (spiler: 2007-2011)
- Kerst Hofman (spiler: 2008-2009)
- Lesley Fellinga (spiler: 2010-no)
- Harvey Bischop (spiler: 2010-no)
- Romano Denneboom (spiler: 2012-no)
| Boarnen, noaten en/as referinsjes: |
|