Bujumbura

Bûjûmbûra
Sintraal Bûjûmbûra mei op de eftergrûn de mar
Polityk
Lân	Bûrûndy
Provinsje	Bujumbura Mairie
Sifers
Ynwennertal	368.000 (2009)
Oerflak	86,54 km²
Befolkingsticht.	4.229,9/km²
Stêdekloft	1.038.857
Hichte	774 m
Oar
Tiidsône	CAT (UTC+2)
Koördinaten
Offisjele webside
(fr) Offisjele webside

Bûjûmbûra yn Bûrûndy

Bûjûmbûra is de haadstêd fan Bûrûndy. De stêd leit oan de Tanganjikamar en is mei in befolkingstal fan nei skatting 500.000 (2005) de grutste stêd fan it lân en it administratyf en ekonomysk sintrum. De wichtichste yndustryen binne tekstyl en sjippe. Bûjûmbûra is ek de grutste havenstêd fan Bûrûndy en ferskipt kofje, katoen en tin-ertsen.

Yn de Dútske koloniale tiid en yn it tiidrek fan it Belgysk bestjoer wie de namme Usumbura. By de ûnôfhinklikens fan it lân yn 1962 waard de namme feroare yn Bûjûmbûra.

Skiednis

Bûjûmbûra wie oant 1889 in ienfâldich doarp doe't it Dútsk koloniale bewâld hjir in militêre post festige. Dútslân moast nei it ferliezen fan de Earste Wrâldkriich de koloanje yn 1918 ôfstean oan Belgje.

Sûnt de ûnôfhinklikens fan Bûrûndy hat de stêd in protte it toaniel west fan gewelddiedige twisten tusken de twa grutte befolkingskloften fan it lân, de Hûtûs en Tûtsys.

It strân fan Bûjûmbûra

Sakewyk yn Bûjûmbûra

Berne

• Shabani Nonda (6 maart 1977), Kongoleesk fuotballer
• Mohammed Tchité (31 jannewaris 1984), fuotballer
• Kassim Bizimana (29 desimber 1985), fuotballer
• Saidi Ntibazonkiza (1 maaie 1987), fuotballer

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Bujumbura fan Wikimedia Commons.