Nôtmole: ferskil tusken ferzjes

Ut Wikipedy
Content deleted Content added
MerlIwBot (oerlis | bydragen)
Rigel 57: Rigel 57:
[[Kategory:Mole nei tapassing]]
[[Kategory:Mole nei tapassing]]


[[ar:طاحونة#طاحونة حجرية]]
[[arc:ܪܚܝܐ#ܪܚܝܐ ܟܐܦܝܬܐ]]
[[ca:Molí fariner]]
[[ca:Molí fariner]]
[[chy:Pénôheoné-mâhéó'o]]
[[chy:Pénôheoné-mâhéó'o]]

De ferzje fan 14 nov 2012 om 00.57

Selskruier mei selsswichting en houten achtkant op stiennen foet
Selskruier mei selsswichting en houten tolwekant op stiennen foet

In nôtmole is in mole wêrmei't út nôt moel meald wurdt. Eartiids wienen der saneamde banmoles of twangmoles dêr't men ferplichte wie it nôt meale te litten.

Al yn de âldheid mealden minsken harren nôt; yn it earstoan mei twa oer elkoar wriuwende stiennen, letter mei rûndraaiende hânmoles of kwearns, wer letter mei wettermoles of wynmoles.
It binne de beide molestiennen dy't yn de nôtmole it eigentlike mealwurk dogge. De ûnderste stien, de lizzer, sit fêst oan de flier fan de stiensouder, mei dêrboppe mei in lytse tuskenromte de loper (de mealstien dy't draaie kin). Dêr tuskenyn falt it nôt troch it kropgat yn de draaiende loper op de lizzer. De ôfstân tusken de twa stiennen is troch de moolner sekuer yn te stellen troch in spesjaal meganisme, dat it 'hynder' neamd wurdt. Mei de lichtstok wurde troch de moolner 2 of 3 balken troch hefboomwurking op of del litten, wêrtroch't de loper heger of leger komt te stean. Om it wurk fan de moolner te ferlichtsjen is yn in soad moles in regulateur makke, dy't mei middelpuntwikende krêft middels gewichten oandreaun wurdt en sa meihelpt de loper op de goede hichte ten opsichte fan de lizzer draaie te litten. De hichte fan de ôfstelling hinget ûnder oare ôf fan de oandriuwkrêft, fan it te mealen produkt en de winske finens fan it moal. De bêste mealsnelheid wurdt by in wynmole berikt as it wjukkekrús 60 einen (wjukken) yn de minút rûndraait. Troch skerpsel (groeven) yn de stiennen wurdt it nôt nei de bûtenside fan de stiennen dreaun en dêrtroch meald.

It te mealen nôt wurdt earst yn hit kaar boppe-op de mealkûp of mealstoel stoarten. Troch in útstroomiepening, dy't iepen of tichtsetten wurde kin, komt it nôt yn de skoddebak. Dizze bak wurdt troch in stienspil hinne-ende-wer bewogen, wêrtroch't it nôt dosearre yn it kropgat falt. Yn de houten stienkûp wurdt it moal, troch in oan de loper fêstmakke oanjager meinomd oant it it gat fan de mealring passeart om dêrnei yn de moalpiip te fallen. Dêrnei wurdt it op de moalsouder opfong yn de mealbak, wêrûnder in moalsek hinget (sjoch foto hjirûnder).

Fotogalerij

Sjoch ek

Keppeling om utens