Iepen Frysk Kampioenskip Jeu de Pelote

Ympresje fan it kampioenskip yn 2004

Sûnt 1999 organisearret Keatsferiening "Onder Ons" út Easterlittens it Iepen Frysk Kampioenskip Jeu de Pelote foar senioaren. De wikselpriis is "It pealtsje fan Easterlittens".

Dielname oan it Iepen Frysk Kampioenskip stiet iepen foar ôfdielings fan de KNKB út Fryslân en om utens. It kampioenskip wurdt foar it grutste part ôfwurke yn de buorren fan Easterlittens. As it wedstrydskema soks needsaaklik makket, wurdt der ek wol spile op de pelotebaan fan de KNKB yn Frjentsjer en op de pelotebaan yn Minnertsgea. Yn 2005 is it tal te spyljen partijen werombrocht troch de sterkste partoeren te setten foar de 2e omloop en de minder achte partoeren foarrûndes keatse te litten, lykas ek by bygelyks tennistoernoaien wol dien wurdt. Dêrtroch kinne alle partijen yn Easterlittens spile wurde.

Winnerslist fan it Iepen Frysk Kampioenskip Jeu de Pelote:

• 2012 - Wommels
• 2011 - Dronryp
• 2010 - Easterlittens
• 2009 - Wjelsryp
• 2008 - Berltsum
• 2007 - Berltsum
• 2006 - Berltsum
• 2005 - Ljouwert
• 2004 - Easterlittens
• 2003 - Arum
• 2002 - Minnertsgea
• 2001 - Minnertsgea
• 2000 - Easterlittens
• 1999 - Easterlittens