Olof van der Meulen

Roelof Antonius ( Olof ) van der Meulen ( Snits 8 novimber 1968 ) is in eardere Nederlânsk folleybalynternational en heart ta de gouden generaasje dy't yn 1996 Olympysk kampioen folleybal waard yn Atlanta.

Olof van der Meulen die twa kear mei oan de Olympyske Spullen. Yn 1992 waard hy by de Simmerspullen yn Barcelona mei it Nederlânsk team twadde efter Brazylje. Fjouwer jier letter wie hy lid fan it Nederlânsk team dat goud ferovere yn Atlanta troch Itaalje yn de finale te ferslaan.