Historia Augusta: ferskil tusken ferzjes
tf |
L r2.7.2) (Bot - derby: hu:Scriptores historiae Augustae |
||
| Rigel 25: | Rigel 25: | ||
[[fr:Histoire Auguste]] |
[[fr:Histoire Auguste]] |
||
[[he:היסטוריה אוגוסטה]] |
[[he:היסטוריה אוגוסטה]] |
||
[[hu:Scriptores historiae Augustae]] |
|||
[[it:Historia Augusta]] |
[[it:Historia Augusta]] |
||
[[ja:ローマ皇帝群像]] |
[[ja:ローマ皇帝群像]] |
||
De ferzje fan 9 mrt 2012 om 14.43
Skiednis fan de Keizers (Latyn: Historia Augusta) is de beneaming fan in bondel biografyske teksten besteande út tritich boeken dy't de libbens fan keizer Hadrianus oant Numerianus (fan 117 oant 284 nei Kr.) beskriuwe, mar foar it tiidrek nei Septimius Severus in protte kletspraat, rabberij en opsetlike ûnkrektens befetsje.
It skriuwersfraachstik
De tritich boeken binne oerlevere op namme fan seis skriuwers, te witten: Aelius Lampridius, Aelius Spartianus, Julius Kapitolinus, Fulkasius Gallikanus, Trebellius Pollio en Flavius Fopiskus. Hja pretindearren te skriuwen yn de earste helte fan de 4e ieu, de tiid fan de keizers Diokletianus en Konstantyn de Grutte dêr't de measte biografyën oan opdroegen binne.
Yn 1889 toande Hermann Dessau yn syn baanbrekkende Über Zeit und Persönlichkeit der Scriptores Historiae Augustae oan, dat de seis auteurs pseudonimen binne fan fermoedlik ien auteur dy't op de ein fan de fjirde ieu ûnder de regearing fan Teodosius I skreau. It oanfurdzjen fan dizze teze krong mar stadichoan troch by de gelearden en op it heden binne der noch mar in pear oerbleaun dy't leauwe dat de Historia Augusta destiids yndied troch seis auteurs skreaun binne.
It wurk, dat allinnich it libben fan heidenske keizers beskriuwt, kin besjoen wurde yn de kontekst fan de polemyk tusken it Kristendom en de tradysjonele Romeinske religys.
Ta de boarnen fan de Historia Augusta heare mooglik de yn distiid ferlern rekke keizerbiografyën fan de skriuwers Marius Maksimus, Deksippus, Eunapius, en de saneamde Enmannsche Kaisergeschichte. De Grykske skiedskriuwers Herodianus en Kassius Dio, dy't yn it earste fearn fan de tredde ieu skreaunen, binne wol bewarre bleaun, en waarden ek troch de skriuwers fan de Historia Augusta brûkt.