Sjoerd Hamburger

Sjoerd Hamburger
sporter
persoanlike bysûnderheden
bertedatum	8 febrewaris 1983
berteplak	Aldeberkeap
lingte	205 sm
sportive ynformaasje
sport	roeien
ûnderdiel	Skiff
trener	Dave Mcgowan Peter van der Noort Paul Broekhuizen
earste titel	2005 WK ûnder de 23 Skiff
O.S.	Peking 2008
ekstra	yn 2009 wûn Hamburger mei it team fan Oxford The Boat Race in tradysjonele wedstriid op de Teems tusken twa universiteiten.

Sjoerd Hamburger (Aldeberkeap, 8 febrewaris 1983) is in Frysk roeier. Hy die ien kear mei foar Nederlân op de Olympyske Spullen, mar wûn doe gjin medalje.

Foar’t hy begûn te roeien yn Utert hie hy yn Fryslân altyd kuorballe en in pear kear oan de 1/8ste triatlon meidien, alles op rekreatyf nivo.

Op syn achttjinde hat er him yn Utert nei wenjen set om dêr te studearjen. Yn 2007 slagge hy foar syn stúdzje Algemiene Sosjale Wittenskippen.
Sjoerd Hamburger kaam yn 2001 as studint yn Utert yn kontakt mei de studintenroeiferiening Orca. Op dat stuit hie de feriening meardere Olympia-gongers fan Sydney. Elien Meijer, Marieke Westerhof, Geert Cirkel, Peter van der Noort en Merijn van Oijen wienen lid fan de súksesfolle froulju-acht en de wat minder súksesfolle manlju-acht. Datselde jier begûn er te roeien yn de swiere mannen 8 fan Orca yn 2002.

Yn Utert begûn Hamburger foar it earst echt te sporten. De earstejiers swiere 8+ wie ridlik suksesfol mei in twadde plak yn it EYK, yn syn twadde roeijier is hy begûn te fjouwerjen op Orca.

Dy boat wie ek suksesfol, benammen yn de 4+ fjilden. Oan de ein fan it jier gie hy mei ûnder oaren Roy van Kessel nei de WU23 gien (6e).

Yn syn tredde jier is hy op advys fan syn coach Peter van der Noort yn de ienpersoans boat (skiff) begûn te roeien. Nei in suksesfol ferrûn NK mocht er nei de earste wrâldbeker. In goed ferrûne winter en in suksesfol jier hat hy oan de ein ôfsletten mei in brûnzen medalje op de WU23 yn de skiff.

Syn bêste prestaasje oant no (peildatum augustus 2008) is it winnen fan de wrâldtitel foar neo-senioaren. Yn 2008 makke hy syn Olympyske debút op de Olympyske Spullen fan Peking yn de skiffklasse. Yn de kwartfinale einige hy as fjirde yn syn searje efter Nij-Seelân, Sweden en Amearika mei in tiid fan 6.57.24. Hjirtroch is in hege klassearring útsluten, want allinnich de earste trije gienen nei de heale finale.

Nei de Spullen ferhuze hy nei Oxford om dêr oan in nije master te begjinnen. Yn 2009 wûn hy mei it team fan Oxford The Boat Race, de tradysjonele roeiwedstriid tusken de ploegen fan de universiteiten fan Oxford en fan Cambridge op de Theems. Hy is de twadde Nederlânske meidogger dy't de race mei Oxford wûn: Gerritjan Eggenkamp gie him yn 2002 foar. Yn it dêropfolgjende seizoen waard Hamburger as earste net-Ingelstalige bûtenlanner keazen ta president (kaptein) fan de roeiferiening fan Oxford. Sa die hy yn 2010 foar de twadde kear mei oan The Boat Race, mar syn ploech waard dizze kear ferslein troch Cambridge. Sûnt de simmer fan 2010 wennet hy wer fulltime yn Nederlân en roeit wer by Orca.

Sûnt 2002 is Hamburger aktyf as roeier yn de swiere manlju 8. Yn augustus 2008 hat hy mei dien oan de Olympyske Spullen yn Peking.

Prizen

Roeien (skiff)

Hamburger op nûmer 5 (fan de efterside ôf) by de start fan de The Boat Race 2009

• 2004: 25e Wrâldbeker I - 7.00,03
• 2005: 15e Wrâldbeker I - 7.19,14
• 2005: 6e Wrâldbeker III - 7.03,19
• 2005: 7e WK - 6.58,17
• 2006: 7e Wrâldbeker I - 7.05,45
• 2006: 7e Wrâldbeker III - 6.58,42
• 2006: 8e WK - 6.45,06
• 2007: 6e Wrâldbeker I - 7.05,69
• 2007: 7e Wrâldbeker II - 6.51,70
• 2007: 5e Wrâldbeker III - 6.54,80
• 2007: 10e WK - 6.59,76
• 2008: 8e Wrâldbeker I - 7.29,79
• 2008: 7e Wrâldbeker II - 7.03,70
• 2008: 13e OS - 6.58,71
• 2009: 4e Wrâldbeker I - 6.07,96

Acht

• 2010 : WK Karapiro
• 2009 : Boatrace ferlern
• 2008 : Boatrace wûn

Boarnen, noaten en referinsjes

Boarnen, noaten en/as referinsjes:

De webstee fan Sjoerd Hamburger. Yn de Hollân Acht