Karel Roarda (politikus)

Karel Roarda (Fenlo, 1530/1531 - Ljouwert, 10 novimber 1601) wie in politikus en beskikte yn Fryslân oer in protte ynfloed.

Roarda wie nei 1550 fuortsetter fan de Fryske nasjonale tradysje fan Janko Douwama en Syds Tsjaarda. Hy wie in meistanner fan Doeke fan Martena. Roarda wake foar Fryske privileezjes lykas Willem Loadewyk dat foar it Unybelang die. Sa hat er jierren fertsjintwurdiger fan Fryslân yn de Generalitiet west.

Roarda wie strang kalvinistysk en dêrom tsjin de Religyfrede foar de Uny fan Utert. Hy fersette him tsjin de fredesûnderhandelingen mei Spanje yn Keulen yn 1579, en mei Johan fan Oldenbarnevelt tsjin de komst fan de Greve fan Leicester as opfolger fan Willem fan Oranje.

Fan 1584 oant 1587 wie Roarda ien fan de machtichste minsken yn Fryslân. Doe't er yn 1592 yn konflikt kaam mei Willem Loadewyk, ûnder oaren oer de besetting fan Hasselt, ferlear er it meastepart fan syn ynfloed. Yn 1591 skreaun er it boek Rudimenta religionis Christtianae, Hebraice, Graece et Latine, mar dat is, mooglik troch de ûntwikkelings fan in jier letter, net mear bekend.

Nei Karel Roarda is de kristlike Fryske Krite Karel Roarda neamd.

Boarnen, noaten en referinsjes

Boarnen, noaten en/as referinsjes:

Brouwers, J.H., J.J. Klama, W. Kok, en M. Wiegersma, red., Encyclopedie van Friesland, (Amsterdam: Elsevier, 1958) Karel Roorda.