Macht

Macht kin omskreaun wurde as it fermogen om oaren jin sin dwaan te litten.

Macht kin yn teory op eltse ferhâlding basearre wêze, mar yn de praktyk foarmet hast altiten ûngelikens de grûnslach. De dúdlikste boarnen fan macht binne jild en geweld. Immen dy't mear jild of mear geweld brûke kin as in oar, kin al aardich gau macht útoefenje.

Macht kin beskôge wurde as in kaptaalfoarm - at immen syn macht brûkt rint dy dêrtroch tebek en moat der op 'e nij yn ynvestearre wurde. It is dêrom útwikselber mei oare kaptaalfoarmen, lykas ekonomysk kapitaal. Macht kin omset wurde yn jild en jild kin omset wurde yn macht. Mar hjoed de dei wurdt ek faak sprutsen fan sosjaal kapitaal en kultureel kapitaal om subtilere boarnen fan macht oan te dúdzjen.