Laaksum: ferskil tusken ferzjes
LNo edit summary |
|||
Rigel 24: | Rigel 24: | ||
</gallery> |
</gallery> |
||
[[Kategory:Nijefurd]] |
|||
[[nl:Laaxum]] |
[[nl:Laaxum]] |
De ferzje fan 29 mrt 2006 om 17.15
Laaksum (offisjeel Frysk) is in buorskip by Warns yn de gemeente Nijefurd, yn it suden fan Fryslân. Laaksum leit yn Nijefurd, direkt oan de Iselmar. Somtiden wurdt Laaksum ek wol in doarp neamd, benammen "It lytste fiskersdoarp fan Jeropa".
Fiskerij
Fan de fiskerij is yn Laaksum nei it ôfsluten fan de Sudersee suver neat mear oer. Allinne it gebou dêr't earder de hearring sâlte en rikke waard, de Hang neamd, is noch as boufal oanwêzich. Oant krekt nei de Twadde Wrâldkriich waard dêr alle dagen skrept om de moarns oanfierde hearring jûns op'e tiid op de trein yn Starum te krijen. De fisk waard as Lemster bokken meast ferkocht nei Dútslân.
De Laaksumers hawwe net altyd hearringfiskers west: om 1500 hinne stie Laaksum bekend fanwege de botfiskerij en yn de 17e ieu fanwege de ielfiskerij. Nei it oanlizzen fan de Ofslútdyk hawwe guon fiskers it noch in skoft besocht mei de ielfiskerij, mar dat wie gjin fetpot. Sa stadich oan binne se ien foar ien stoppe.
It havenstsje fan Laaksum spilet tsjintwurdich in beskieden rol yn it wettertoerisme, al hawwe de Laaksumers it leafst hurde wyn fan see: dan is der rêst yn it havenstsje fan Laaksum.
Ferbinings
Behalve oer it wetter is Laaksum fia 't Sou te berikken fan Warns út en oer de Laaksumerdyk en de Suderwei is der fia it Reaklif nei it noardwesten ferbining mei Skarl en Starum en nei it easten oer de Wieldyk mei Mirns.
Sjoch ek
Keppeling om útens
-
De Hang fan Laaksum
-
Laaksum oan de dykskant