Dûkerke

Dûkerke

Fersprieding fan it dûkerke.

It Dûkerke (Tachybaptus ruficollis) is in soarte yn it skaai fan de Dûkers (Tachybaptus). Mei syn 26 sm is it yn Jeropa it lytste lid fan de famylje fan de Dûkerfûgels. It is in dûnkere fûgel en hy hat in frij koarte nekke mei in readeftige hals. De snaffelbasis is griengiel. Hy komt foar yn hiel Europa útsein it grutste part fan Skandinaavje, yn hiel súdlik Afrika en yn Súd en Súdeast-Aazje.

Namme

It Dûkerke hjit yn it Frysk ek wol Earsfuttel, Earsfutteler‎ as Lytse Ieldûker‎.

Habitat en aaien

It Dûkerke libbet yn swietwettermarren, fivers en traachstreamende rivieren, mar ek yn reservoirs en grintputten. Hy leit 4-6 wite aaien op in platfoarm fan driuwende fegetaasje. De âlden diele de briedperioade fan 19-25 dagen. De jongen kinne harsels fiede en kinne fleane nei 44-48 dagen.

• 
• 
• 
• 
• 
• 
• 
• 

Keppelings om utens

• SoortenBank.nl beskriuwing, ôfbylden en lûd.
• SOVON - Fersprieding en oantalsûntwikkeling fan it dûkerke yn Nederlân.
• Kaart mei waarnimmings yn Nederlân.
• Wikiwurdboek-side - Dûkerke