Waskbearhûn: ferskil tusken ferzjes

Ut Wikipedy
Content deleted Content added
Aliter (oerlis | bydragen)
L Ferskate skriuwflatersensfh
Aliter (oerlis | bydragen)
L -]
Rigel 1: Rigel 1:
[[Ofbyld:Nyctereutes procyonoides 4 (Piotr Kuczynski).jpg|thumb|right|Marterhûn]]
[[Ofbyld:Nyctereutes procyonoides 4 (Piotr Kuczynski).jpg|thumb|right|Marterhûn]]
De '''Marterhûn''' (''Nyctereutes procyonoides''), ek wol '''Waskbearhûn''' neamd, is in [[rôfdieren]|rôfdier]] út de famylje fan de [[Hûndieren]] (Canidae). De facht fan marterhûnen wurdt brûkt yn lúkse klean. Hy komt oarspronklik foar yn [[Aazje|East-Aazje]], mar tsjintwurdich libje ferwyldere eksimplaren ek yn [[Jeropa]].
De '''Marterhûn''' (''Nyctereutes procyonoides''), ek wol '''Waskbearhûn''' neamd, is in [[rôfdieren|rôfdier]] út de famylje fan de [[Hûndieren]] (Canidae). De facht fan marterhûnen wurdt brûkt yn lúkse klean. Hy komt oarspronklik foar yn [[Aazje|East-Aazje]], mar tsjintwurdich libje ferwyldere eksimplaren ek yn [[Jeropa]].


== Kenmerken ==
== Kenmerken ==

De ferzje fan 26 feb 2010 om 00.14

Marterhûn

De Marterhûn (Nyctereutes procyonoides), ek wol Waskbearhûn neamd, is in rôfdier út de famylje fan de Hûndieren (Canidae). De facht fan marterhûnen wurdt brûkt yn lúkse klean. Hy komt oarspronklik foar yn East-Aazje, mar tsjintwurdich libje ferwyldere eksimplaren ek yn Jeropa.

Kenmerken

In folwoeksen bist wurdt 50 - 55 sintimeter lang en de sturt is ± 15 sintimeter lang. Marterhûnen hawwe in gieleftich brune grûnkleur. Op de kop binne de bisten swart mei wyt, de poaten binne donker krektas in diel fan de sturt. De Marterhûn hat in swart masker om syn eagen. Winterdeis krijt de Marterhûn in dikkere facht en in fetlaach, wêrtroch't er der rûner útsjocht as simmerdeis. Tusken septimber en novimber begjint de ûnderfacht te groeien, yn maaie en juny wurdt dy ferfongen troch in tinnere simmerfacht.

De Marterhûn liket in soad op de net-besibbe Waskbear, en kin maklik mei dit bist betize wurde. Benammen de kop, mei it opfallende donkere gesichtsmasker, liket tige op in waskbear. De Marterhûn is lykwols grutter as de Waskbear, mei in koartere, igaal kleurde sturt en hat koartere earen.

Fretten en gedrach

De Marterhûn is in nachtdier, dat dierlik én plantaardich fretten siket. Hy yt kjifdieren, amfibyën, hagedissen, fisken, ynsekten en fûgels mar ek fruchten, nuten en woartels. Mar hy yt ek ôfeart en ies. Yn de hjerst fret er benammen beien en oare fruchten.

Yn kâlde streken hâldt er grif in wintersliep. It is de ienige hûneftige dêr't dat gedrach fan bekend is. De Marterhûn is yn de winter ynaktyf, mar syn lichemstemperatuer sakket net.

Marterhûnen binne monogaam en libje yn pearen of yn lytse famyljegroepkes mei de jongen fan it foarige nêst. De hoale is meastentiids in ferlitten hoale fan in foks of in oar bist. Ek makket hy in hoale ûnder beamstammen, yn tichte boskjes of tusken rotsen. Marterhûnen binne net territoriaal. Oer it sosjale gedrach yn it wyld is net folle bekend, mar yn finzenskip hat bliken dien dat de bisten bannen mei oare marterhûnen oangean, en mei-elkoar ite, foar de welpen soargje en frjemdlingen oanfalle. Wylde en nuete marterhûnnen lizze yn finzenskip latrines oan, dêr't alle bisten skite en mige.

De peartijd falt yn febrewaris en maart. De jongen wurde nei in draachtiid fan 59 oant 64 dagen yn april en maaie smiten. Der kinne 2 oant 19 welpen smiten wurde, mar meastentiids binne it 5 oant 8.

Undersoarten

Der wurde ornaris trije ûndersoarten ûnderskieden:

  • De Sibearyske Marterhûn (Nyctereutes procyonoides ussuriensis)
  • De Sineeske Marterhûn (Nyctereutes procyonoides procyonoides)
  • De Japanske Marterhûn (Nyctereutes procyonoides viverrinus)

Guon wittenskippers beskôgje de Japanske Marterhûn as in aparte soarte, basearre op ferskillen yn gedrach, gromosoamen en lichemsgewicht.