Bonke

In bonke is it hurde materiaal fan it lichem fan in minsk of bist. Se hawwe as funksje it beskermjen fan de yngewanten, it stypjen fan de lea en meitsje tegearre mei spieren beweging mooglik. It gehiel fan alle bonken wurdt in skelet of bonkerak neamd. By fisken 'graat' of 'bonkje'.

Yn de bonke sitte kanalen dêr't bloedfetten en senuwrizels trochhinne rinne. De bonken binne troch knieren mei inoar ferbûn.

Bonken binne makke fan kristallen fan kalsiumfosfaat en oare mineralen, en bestean út rizels fan it aaiwyt kollageen. De mineralen meitsje de bonke hurd, wylst de rizels soargje dat de bonke ek bûchsum is.