Keno II tom Brok

Keno tom Broke, ek Keno II tom Brok neamd, (? – 1417) wie in Eastfryske kriichshear en haadling. Hy wie de soan fan Ocko I tom Brok en de healbroer fan Widzel tom Brok.

Yn de 14e en 15e ieu sochten in soad fryske meinskippen beskerming by kriichshearen, de saneamde haadling of hôveling. Dizze beskermhearen joegen nije problemen.
Keno tom Broke / Keno II tom Brok wie de meast machtige haadling / hôveling yn East-Fryslân.

De kriichshearen wurken hieltiten mear gear oant der twa groepen oerbleaunne: de Skieringers en de Fetkeapers. It begjin fan de 15e ieu yn Fryslân stie yn it teken fan gefjochten tusken beide groepen. De Skieringers hienen yn it begjin de oerhân en in sterke posysje yn de stêd Grins. Grins waard hjirmei in taflechtsoarde foar de Skieringers dy't op oare plakken út harren stinzen ferdreaun wienen.

Keno tom Broke / Keno II tom Brok

Earder hie de piraat Klaus Störtekbecker in taflechtsoarde by Widzel tom Brok socht en krigen. Doe't Keno de hearskippij oernaam, bleau hy yn 1396 en 1400 oan Gödeke Michels en Klaus Störtekbecker (en syn manskippen) bystân ferllienen. Yn 1400 twongen gildeleden Keno om syn ferbûn mei de piraten op te jaan. Störtebecker soe ek mei Keno’s dochter (of suster) troud west hawwe. Yn 1413 ferovere Keno de stêd Emden fan Hisko Abdena en steunde hy de Fetkeapers. Yn 1415 ferovere hy de stêd Grins en de De Ommelannen en yn 1416 foel hy Fryslân binnen.
Yn 1417 stoar Keno tom Broke hommels.

Sjoch ek

• Famylje Tom Brok.